Көмәкчи пионер кими хидмәт едәҹәксәнми?
1. Хидмәтимизи ҝенишләндирмәк үчүн Хатирә ҝеҹәси әрәфәси нәјә ҝөрә мүнасиб вахтдыр?
1 Хатирә ҝеҹәси әрәфәси хидмәтимизи ҝенишләндирмәк үчүн мүнасиб вахтдыр. Бу, Јеһованын Оғлуну уғрумузда гурбан верәрәк ҝөстәрдији бөјүк мәһәббәт үзәриндә дүшүнмәјин әсил вахтыдыр (Јәһ. 3:16). Миннәтдарлыгдан ирәли ҝәләрәк үрәјимиз Јеһова вә Онун бәшәријјәт үчүн етдикләри барәдә башгаларына данышмаг истәји илә алышыб-јаныр (Јешаја 12:4, 5; Лука 6:45). Һәмчинин бу хүсуси кампанијада иштирак етмәк танышларымызы вә јығынҹағымызын әразисиндә јашајан инсанлары Хатирә ҝеҹәсинә дәвәт етмәк үчүн әлверишли вахтдыр. Бу ҝөрүшдә иштирак едән инсанларын марағыны сонрадан инкишаф етдирә биләрик. Март, апрел вә мај ајларында көмәкчи пионер кими хидмәт етмәклә хидмәтини ҝенишләндирә биләрсәнми?
2. Көмәкчи пионер кими хидмәт етмәк үчүн март ајы нәјә ҝөрә хүсуси ајдыр?
2 Март — хүсуси ај. Март ајы көмәкчи пионер кими хидмәт етмәк үчүн хүсусилә әлверишлидир. Тәблиғчиләр өз шәраитләринә ујғун олараг 30 вә ја 50 саатлыг норманы сечә биләрләр. Март ајында јығынҹаға рајон нәзарәтчиси баш чәкән заман көмәкчи пионерләрин һамысы рајон нәзарәтчисинин даими вә хүсуси пионерләрлә ҝөрүшүндә әввәлдән-ахыра кими иштирак едәҹәкләр. Бу ил мартын 26-да кечириләҹәк Хатирә ҝеҹәсинә өтән илләрдә дәвәт етдијимиз инсанлары мартын 1-дән башлајараг дәвәт едә биләрик. Үстәлик, март ајында беш һәфтәсону вар. Илин ән хүсуси ајында бу хидмәт нөвүндә иштирак едиб-едә билмәјәҹәјини нијә дә ҹидди шәкилдә ҝөтүр-гој етмәјәсән?
3. Хидмәтимизи артырмаг үчүн неҹә планлар гура биләрик?
3 Индидән планлашдыр. Пионер кими хидмәт етмәк үчүн ҹәдвәлинә нәзәр салмаға вә лазыми дүзәлишләр етмәјә индидән башла. Аилә үзвләри илә әмәкдашлыг етмәк ваҹибдир вә буна ҝөрә дә аиләви ибадәт заманы аиләнизин мәгсәдләрини мүзакирә етмәјә вә ҹәдвәл гурмаға вахт ајырын (Сүл. мәс. 15:22). Әҝәр көмәкчи пионер кими хидмәт едә билмирсәнсә, руһдан дүшмә. Ҹәдвәлиндә дәјишикликләр етмәклә ҝүн әрзиндә даһа чох хидмәт едә биләрсән. Үстәлик, һәфтәарасы да әлавә олараг хидмәтдә иштирак едә биләрсән.
4. Март, апрел вә мај ајлары әрзиндә хидмәтдә фәал олмағын һансы фајдалары олаҹаг?
4 Март, апрел вә мај ајлары әрзиндә хидмәтимизи ҝенишләндирмәклә биз Јеһоваја хидмәтдән вә хош хәбәри башгалары илә бөлүшмәкдән даһа чох севинҹ вә мәмнунлуг дујаҹагсан (Јәһ. 4:34; Һәв. иш. 20:35). Ән әсасы, бизим фәдакарлыгла хидмәт етмәјимиз Јеһоваја севинҹ ҝәтирәҹәк (Сүл. мәс. 27:11).