Бир-биринизи сәјлә јахшы ишләрә тәшвиг един

Ибраниләрә 10:24 ајәси бизи «бир-биримизи мәһәббәтә вә јахшы ишләрә» тәшвиг етмәјә сәсләјир. Биз буна һәмиманлыларымыза нүмунә гојмагла вә иманымызы сөзлә ифадә етмәклә наил ола биләрик. Үзләшдијин мараглы һадисәләри јығынҹағын үзвләринә даныш. Гој онлар сәнин Јеһоваја севинҹлә хидмәт етдијини ҝөрсүнләр. Ејни заманда, онлары өзүнлә вә ја башгалары илә мүгајисә етмә (Гал. 6:4). Чалыш, сөзләрин вә һәрәкәтләринлә онлары «мәһәббәтә вә јахшы ишләрә» тәшвиг едәсән, онлары өзләрини ҝүнаһкар һисс едиб јахшы ишләр ҝөрмәјә вадар етмәјәсән. («Хидмәт Мәктәби» китабынын 158-ҹи сәһифәсинин 4-ҹү абзасына бах.) Әҝәр биз һәмиманлыларымызы мәһәббәтә тәшвиг етсәк, бунун бәһрәси башгасына әл тутмаг, тәблиғ етмәк кими јахшы ишләр олаҹаг (2 Кор. 1:24).