“Јахшы ишләрлә варлы” олун
1 Һәвари Павел, сә’јлә етдији хидмәтин сон илләриндә Тимотеј вә Титусла јахындан әмәкдашлыг етмишдир. Павел онларын һәр биринә охшар руһландырыҹы сөзләр үнванламышдыр. О, Титуса јазырды ки, “Аллаһа иман едәнләр хејирли ишләрлә мәшғул олмаға диггәт версинләр” (Тит. 3:8). Тимотејә мәктубунда исә гејд етмишдир ки, Аллаһа үмид бәсләјәнләр “јахшы ишләрлә варлы” олмалыдырлар (1 Тим. 6:17, 18). Бу, бизим һамымыз үчүн чох ҝөзәл мәсләһәтдир! Бәс јахшы ишләр ҝөрмәјә бизи нә тәшвиг едәҹәк? Вә јахын ҝүнләрдә биз һансы јахшы ишләри ҝөрә биләрик?
2 Јеһоваја иманымыз, Она олан мәһәббәтимиз вә Онун бизә вердији ҝөзәл үмид, бизи јахшы ишләрлә варланмаға тәшвиг едир (1 Тим. 6:19; Тит. 2:11). Хүсусилә дә илин бу вахтында хатырлајырыг ки, Јеһова өз Оғлуну јер үзүнә, Атасына бәраәт газандырмаг вә лајигли инсанларын һамысына һәјат јолуну ачмаг үчүн ҝөндәрмишди (Мат. 20:28; Јәһ. 3:16). Бу һагда мартын 28–дә, Мәсиһин өлүмүнүн Хатирә Ҝеҹәси заманы чох данышылаҹаг. Мәҝәр әбәди һәјата олан үмидимиз, бизи “јахшы ишләрлә варлы” олмаға тәшвиг етмирми? Сөзсүз ки, тәшвиг едир! Белә исә, биз һансы ишләри ҝөрә биләрик?
3 Мартда вә сонракы ајларда ҝөрүләҹәк јахшы ишләр. Бизә ҝәлдикдә, шүбһәсиз ки, бүтүн дүнјада Јеһованын Шаһидләри үчүн илин ән ваҹиб һадисәсинә — Хатирә Ҝеҹәсинә ҝәләҹәјик (Лука 22:19). Лакин биз истәјирик ки, бу бајрам севинҹинә олдугҹа чох инсанлар шәрик олсун. “Ҝөзәтчи Гүлләси”нин 2002–ҹи ил, 1 јанвар сајында ҝөстәрилән хидмәт һесабатына бахсаныз ҝөрәҹәксиниз ки, өтән ил дүнјанын бир чох өлкәләриндә Хатирә Ҝеҹәсиндә иштирак едәнләрин сајы, тәблиғчиләрин сајындан үч, дөрд, беш вә даһа артыг олмушдур. Ајдындыр ки, јығынҹағын бүтүн үзвләри, Хатирә Ҝеҹәсинә бу гәдәр чох дә’вәтнамә пајламаг үчүн әразиләриндә сә’јлә чалышмалы олмушлар. Биз дә бу ҝүндән башлајараг мартын 28–ә кими даһа чох вахт сәрф етмәк истәјирик ки, инсанларын хилас һаггындакы үмиди өјрәнмәләринә көмәк едәрәк, онлары Хатирә Ҝеҹәсинә дә’вәт едәк.
4 Апрел ајында ҝүн даһа узун, һава исә даһа ҝөзәл олаҹаг. “Јахшы ишләрлә варлы” олмаг үчүн, бу шәраитләрдән неҹә истифадә едә биләрик? Тәблиғ ишиндә бундан сонра да фәал иштирак едиб, “јахшы ишләрә сә’јли” олаҹағыг (Тит. 2:14; Мат. 24:14). Әҝәр март ајында көмәкчи пионер кими хидмәт едә билмәмисәнсә, буну апрел вә (јахуд) мај ајларында едә биләрсәнми? Әҝәр пионерсәнсә, хидмәтини давам етдирә биләрсәнми?
5 Ишләјән бә’зи баҹы–гардашлар мүәјјән етмишләр ки, ишә ҝедәркән күчәдә шәһадәтлик етмәклә вә ја сәһәр тездән ишләјән инсанлара баш чәкмәклә, тәхминән бир саат тәблиғ едә билирләр. Башгалары наһар вахтынын бир һиссәсини тәблиғ етмәјә ајырырлар. Бу вахт әрзиндә, һәтта ким исә иш јолдашы илә Мүгәддәс Китаб өјрәнмәси кечирир. Евдар баҹыларын бир чоху тәблиғ хидмәти илә, ушаглары мәктәбдә оларкән мәшғул олурлар. Онлар, ев ишләрини јеринә јетирмәк үчүн һәфтәнин бә’зи ҝүнләри бир гәдәр тез дурараг, ҝүнорта вахты тәблиғ вә тә’лим үчүн даһа чох вахт тапырлар (Ефес. 5:15, 16).
6 Һәтта вәзијјәтин көмәкчи пионер кими хидмәт етмәјә имкан вермирсә дә, сән даһа чох тәблиғ етмәк вә “хејирхаһлыг” едиб, “јахшы ишләрлә” варланмаг, “әлиачыг вә өз малыны диҝәрләри илә бөлүшдүрмәјә һазыр” олмаг үчүн, шәхси графикини тәртиб едә биләрсән (1 Тим. 6:18).
7 Шаҝирдләр һазырламағын јахшы иш олдуғуну унутма. Һәр ил Хатирә Ҝеҹәсинә марагланан шәхсләр ҝәлир. Тәблиғчиләрдән ким исә, Мүгәддәс Китабы һәлә өјрәнмәјән кәсләрә диггәт ајыра биләрми? Руһән бөјүмәләри үчүн онлара тәкрар баш чәкмәк мүмкүндүрмү? Еһтимал ки, Хатирә Ҝеҹәсинә ҝәлән бу адамлардан бә’зиләри баҹы–гардашларымызын гоһумларыдыр. Диҝәрләри, бәлкә дә вахты илә өјрәнирдиләр, инди исә өјрәнмәни јенидән давам етдирмәк вә ҝөрүшләрә мүнтәзәм ҝәлмәк үчүн бир балаҹа руһландырылмаға еһтијаҹ дујурлар. Әҝәр онлар бизә гошулуб, Јеһованын сә’јлә чалышан хидмәтчиләри оларларса, неҹә дә севиндириҹи һал олаҹаг!
8 Март вә нөвбәти ајларда даһа фәал хидмәт едәҹәјимиз үчүн, шүбһәсиз ки, бир даһа баш чәкмәли олаҹағымыз чохлу марагланан инсанлар тапаҹағыг. Сөһбәтин ахырында һәр һансы бир суалы ачыг сахламаға чалыш. Сонра исә, һәмин суала нөвбәти дәфә ҹаваб верәҹәјини вә’д ет. Белә етмәклә, тәкрар ҝәлиш үчүн зәмин һазырламаг олар. Һәмин үнвана нә гәдәр тез ҝәлсәк, бир о гәдәр јахшы олар. Әҝәр биринҹи ҝәлишимиз заманы өјрәнмә башлаја билмәдиксә, чалышмаг лазымдыр ки, имкан дахилиндә нөвбәти ҝәлишдә башлајаг.
9 Күчәдә шәһадәтлик едәркән, инсанларла сөһбәтә башламағын зәрурилијини јадда сахламаг лазымдыр. Күчәдә тәблиғ едән чох тәблиғчиләрә, марагланан инсанлар өз адларыны, үнванларыны вә телефон нөмрәләрини вермишләр. Әҝәр мараг ҝөстәрән инсан сизә мәхсус олан әразидә јашамырса, Падшаһлыг Залындан “Зәһмәт олмаса, гајғы ҝөстәр ки, мүнасиб тәблиғчи бу адама баш чәксин” (С–70) бланкыны ҝөтүрүб долдурун вә катибә верин. Катиб дә бланкы, һәмин инсанын јашадығы әразијә ҹавабдеһ јығынҹаға чатдыраҹаг. Әҝәр буну катиб өзу едә билмәсә, бланкы филиала ҝөндәрәҹәкдир. Бунунла да инсанын марағынын итмәмәсинә көмәк ҝөстәриләҹәкдир.
10 Әҝәр сәнә үнван дејил, телефон нөмрәси верибләрсә, о заман тәкрар башчәкмәни телефон васитәсилә ет. Нә һагда данышаҹағыны габагҹадан дүшүн. Бә’зиләри телефон васитәсилә, һәтта евдә тапа билмәдикләри кәсләрлә белә Мүгәддәс Китаб өјрәнмәсини чох мүвәффәгијјәтлә кечирирләр. Бир баҹы евдән–евә хидмәти заманы ҝөрүшдүјү гадынларын телефонларыны өјрәнирди; бунун сајәсиндә ики Мүгәддәс Китаб өјрәнмәси башлаја билди.
11 Гејри–фәаллара көмәк етмәкдә ағсаггалларла әмәкдашлыг ет. Ағсаггаллар сә’јлә чалышырлар ки, гејри–фәаллара диггәт вә гајғы ҝөстәрсинләр. Артыг кифајәт гәдәр гејри–фәал тәблиғчиләр өз тәшәббүсләри илә јенидән јығынҹаға ҝәлмәјә башламышлар. Онлар дәрк едирләр ки, 91–ҹи Мәзмурда јазылан руһани тәһлүкәсизлији јалныз Јеһованын тәшкилаты илә сых үнсијјәтдә оларкән әлдә етмәк олар. Онлардан бә’зиләри тәблиғ хидмәтиндә иштирак етмәјә јенидән һазырдырлар. Һәмин ајда Хатирә Ҝеҹәсинә башга гејри–фәал тәблиғчиләр дә ҝәлә биләр. Еһтимал ки, онларла Мүгәддәс Китаб өјрәнмәси башланмасына разы олаҹаглар. Белә һалда онлара көмәк етмәји ағсаггаллар кимә исә һәвалә едәҹәкләр. Әҝәр онларла өјрәнмә кечирмәји сәнә тапшырарларса, сәнин әмәкдашлығын чох гијмәтли олаҹаг (Ром. 15:1, 2).
12 “Јахшы ишләрлә” мәшғул олун. Бир вә ја бир нечә ај әрзиндә көмәкчи пионер кими хидмәт едәнләрин әксәријјәти фикир вермишләр ки, нөвбәти ајлар әрзиндә тәблиғ етмәкдә даһа чох фәал олмушлар. Онлар тәкрар баш чәкә биләҹәкләри марагланан инсанлар тапмышлар. Бүтүн бу һаллар, һәмин тәблиғчиләри әлавә гүввә сәрф етмәјә вә марагланан инсанлара јенидән баш чәкмәк үчүн хидмәтә тез–тез чыхмаға тәшвиг етмишдир. Бә’зиләри Мүгәддәс Китаб өјрәнмәси башладылар, бу исә онлара хидмәтдә даһа фәал олмаға көмәк етди.
13 Диҝәр баҹы–гардашлар шаҝирдләрин һазырланмасы вә тәблиғ ишиндә о гәдәр бөјүк севинҹ әлдә етдиләр ки, һәјатларында дәјишикликләр етмәји гәрара алдылар. Онлардан бә’зиләри ишә сәрф олунан вахты гысалдыб, даими көмәкчи пионер олдулар. Диҝәрләри пионер хидмәтинә башлаја билдиләр. Онлар бу дүнјанын тәгдим етдијиндән даһа чох Аллаһа үмид бәсләмәји өјрәндиләр. Онлар анладылар ки, инсан “әлиачыг вә өз малыны диҝәрләри илә бөлүшдүрмәјә һазыр” оланда, Јеһовадан бол–бол хејир–дуалар алыр вә “һәгиги һәјата” олан үмидини мөһкәмләндирир (1 Тим. 6:18, 19, И–93). Сөзсүз ки, тәблиғчиләрин чоху пионер олдугда, бу вәзијјәт бүтүн јығынҹаға фајда ҝәтирир. Пионерләр руһландырыҹы һадисәләр данышмаға һазырдырлар вә башгаларыны бирликдә хидмәт етмәјә дә’вәт едирләр, бу исә јығынҹагда јүксәк руһани атмосфер јарадыр.
14 Ҝәлин, Хатирә Ҝеҹәси әрәфәсиндә вә сонракы вахтларда мәсиһчи хидмәтиндә даһа чох иштирак едәрәк “јахшы ишләрлә варлы” олаг. Белә етмәклә, бизә салеһлијин һөкм сүрәҹәји јени јердә јашамаг үмиди вердијинә ҝөрә Јеһоваја миннәтдарлығымызы билдирмиш оларыг (2 Пет. 3:13).