«Әмр етдијим сөзләр үрәјинә һәкк олунсун»
Чобан гузуларынын гејдинә галдығы кими, валидејнләр дә өвладларына гајғы ҝөстәрмәлидирләр. Чүнки ушаглар асанлыгла јолларыны азыб тәһлүкә илә үзләшә биләрләр (Мәс. 27:23). Валидејнләр өз мәсулијјәтләрини неҹә јеринә јетирә биләрләр? Өвладларынын дүшүнҹәсиндәкиләри вә үрәјиндәкиләри билмәк үчүн валидејнләр һәр ҝүн онларла үнсијјәт етмәлидирләр (Мәс. 20:5). Һәмчинин одадавамлы материаллардан истифадә едәрәк өвладларынын иманыны мөһкәмләндирмәлидирләр ки, сынаглар вахты мәтин гала билсинләр (1 Кор. 3:10—15). «Әмр етдијим сөзләр үрәјинә һәкк олунсун» филми мүнтәзәм аиләви ибадәтин нә гәдәр ваҹиб олдуғуну ҝөстәрир. Аиләликҹә бу филмә бахын вә нөвбәти суаллары мүзакирә един.
1) Томасын аиләсинин руһани ҹәһәтдән зәифләмәсинә нә сәбәб олмушду? 2) Томас гардашын аиләви ибадәт кечирмәк ҹәһдләри әввәл-әввәл нәјә ҝөрә боша чыхырды? 3) Мүгәддәс Китабда ушағы јахшы бөјүтмәк үчүн һансы дүстур вар? (Ган. 6:6, 7). 4) Аиләдә јахшы үнсијјәтин олмасына нә көмәк едә биләр? 5) Валидејнләр ушагларына ҝөрә һансы гурбанлары вермәлидирләр? 6) Мартин гардашла һәјат јолдашынын Томасын аиләсинә һансы мүсбәт тәсири олмушду? (Мәс. 27:17). 7) Аиләви ибадәтин јахшы кечмәси үчүн аилә башчысы габагҹадан неҹә һазырлашмалыдыр? 8) Томас гардаш аиләсиндәки вәзијјәти дүзәлтмәк үчүн һансы аддымлары атмаға башлады? 9) Аиләви ибадәти мүнтәзәм кечирмәк нәјә ҝөрә ваҹибдир? (Ефес. 6:4). 10) Филмдә аиләви ибадәт үчүн һансы мәсләһәтләр вар? 11) Томас гардаш тәмкинини позмадан, ејни заманда гәтијјәтлә Маркуса дүзҝүн давранмағын ваҹиблијини неҹә баша салды? (Әрм. 17:9). 12) Томас вә Моника Ребекаја Ҹастинлә бағлы дүзҝүн гәрар чыхартмаға неҹә көмәк етди? (Марк 12:30; 2 Тим. 2:22). 13) Һәјатларында дәјишиклик едәркән Томас вә Моника иманларыны неҹә ҝөстәрдиләр? (Мәт. 6:33). 14) Бу филм аилә башчысынын руһани ҹәһәтдән аиләсинин гејдинә галмалы олдуғуну неҹә вурғулајыр? (1 Тим. 5:8). 15) Бир аилә башчысы кими нәјә гәтијјәтлисән?
АИЛӘ БАШЧЫЛАРЫ ҮЧҮН ГЕЈД. Филмин әсасында дуран тамаша 2011-ҹи илин реҝионал топлантысында сәһнәләшдирилмишди. Јәгин о вахт тамашаја баханда өз аиләви ибадәтиниздә һансы мәгамлары јахшылашдырмалы олдуғунузу өзүнүз үчүн гејд етмишдиниз. Бәс инди вәзијјәт нә јердәдир? Әҝәр јенә дә мүәјјән дәјишикликләр лазымдырса, онда аиләнизин әбәди рифаһы наминә бу барәдә дуа едиб һәрәкәтә кечин (Ефес. 5:15—17).