Аудиојазылардан неҹә истифадә етмәли?
1. Веб-сајтымызда јазылы нәшрләрдән башга даһа нә вар?
1 Бир чохлары ләтиф кәлмәләр вә һәгигәт сөзләрини севә-севә jw.org сајтындан охујурлар (Ваиз 12:10). Бәс сән орадакы аудиојазылардан истифадә едирсән? Аудиојазыларын сајәсиндә веб-сајтымыздакы мәлуматын чохуна гулаг асмаг мүмкүндүр. Бу јазыларын бизә һансы фајдасы вар?
2. Шәхси мүталиә вә аиләви ибадәт заманы аудиојазылардан неҹә истифадә едә биләрик?
2 Шәхси мүталиә вә аиләви ибадәт үчүн. Јол ҝедәндә, јахуд ҝүндәлик ишләрлә мәшғул оланда журналларын вә диҝәр нәшрләрин аудиојазысына гулаг асараг вахтдан сәмәрәли истифадә етмәк олар (Ефес. 5:15, 16). Һәмчинин аиләви ибадәт заманы өз нүсхәмиздән изләјә-изләјә һәр һансы бир нәшрә гулаг аса биләрик. Бу да аиләви ибадәтә рәнҝ гатаҹаг. Шәхси мүталиә заманы да аудиојазыја гулаг аса биләрсиниз, хүсусән дә охумағы јахшылашдырмагда, јахуд да јени дил өјрәнмәкдә бунун лап чох хејри дәјәҹәк.
3. Әразимиздә кимләр аудиојазылардан бәһрәләнә биләрләр?
3 Хидмәт үчүн. Саһәмиздә башлары ишдән ачылмајан, охумаға вахт тапмајан инсанлар, ола билсин, аудиојазылара гулаг асмаға етираз етмәјәҹәкләр. Јахуд башга дилдә данышан инсанлар Падшаһлыг хәбәрини өз ана дилләриндә ешитсәләр, чох ҝүман ки, бу хәбәрә һај верәрләр (Һәв. 2:6—8). Бәзи јерләрдә динләмәк халгын мәдәнијјәтинин ајрылмаз һиссәсидир. Мәсәлән, хмонг халгы өз тарихини ҝәнҹ нәслә шифаһи өтүрүр, ҝәнҹ нәсил исә ешитдијини горујуб-сахлајыр. Бир чох Африка өлкәләриндә рәвајәтләрә гулаг асыб өјрәнмәји севирләр.
4. Аудиојазылар васитәсилә саһәмиздәки инсанлара неҹә көмәк едә биләрик?
4 Саһәниздә сакин үчүн онун өз дилиндә аудиојазы сәсләндирмәк фајдалы оларды. Киминсә електрон үнванына аудионәшр ҝөндәрә биләрик. Аудионәшри CD дискә көчүрүб, чап олунмуш версијасы илә бирликдә марагланан инсана вермәк олар. Хидмәт заманы електрон форматда вердијимиз китабы, брошүрү, журналы, јахуд буклети пајладығымыз нәшр кими һесабата дахил едә биләрик. Аудиојазылар бизим шәхси мүталиә заманы, һәмчинин Падшаһлыг тохумларыны сәпәркән истифадә етмәјимиз үчүн һазырланыб (1 Кор. 3:6)