Рәсми веб-сајтымыздан башга дилдә данышан инсана көмәк етмәк үчүн истифадә ет
Она веб-сајтымызы ҝөстәр. Веб-сајты өз дилиндә ҝөрә билмәси үчүн она «Сајтын дили» сиһајысындан неҹә истифадә етмәји ҝөстәр. (Бәзи дилләрдә сајт гисмән фәалијјәт ҝөстәрир.)
Веб-сәһифәни онун дилиндә ҝөстәр. Сәһифәдә «Мүгәддәс Китаб өјрәдир» китабы вә «Һәгигәти өјрәнмәк» трактаты кими нәшрләримизи ҝөстәрә биләрсән. «Мәгаләнин дили» сијаһысында һәмсөһбәтинин данышдығы дили сеч.
Мәгаләјә гулаг асдыр. Һәмсөһбәтинин дилиндә аудиојазысы олан мәгалә тап вә онун үчүн сәсләндир. Әҝәр сән башга дил өјрәнирсәнсә, ону јахшы өјрәнмәк үчүн һәмин дилдә аудиојазылара гулаг ас. (Дахил ол: Нәшрләр/Китаб вә брошүралар, јахуд Нәшрләр/Журналлар.)
Кар инсанлара шаһидлик ет. Кар инсана раст ҝәләндә Мүгәддәс Китабын фәсилләринин, китабларын, брошүраларын вә трактатларын жест дилиндә видеојазысыны ҝөстәр. (Дахил ол: Нәшрләр/Жест дили.)
[6–ҹы сәһифәдәки чәрчивә]
(Чәрчивәјә нәшрин өзүндә бахын)
Тәлимат
1 Сечдијин аудиојазыны (әҝәр сәнин дилиндә варса) сәсләндирмәк үчүн ▸ дүјмәсини вә ја әдәбијјат јүкләмәк үчүн «Јүкләмәк үчүн сеч» дүјмәләриндән бирини бас.
2 Мәгаләнин дилини дәјишмәк үчүн «Мәгаләнин дили» сијаһысындан лазым олан дили сеч.
3 Башга мәгаләни вә ја фәсли охумаг үчүн «Нөвбәти» вә ја «Мүндәриҹат» дүјмәсини бас.