МӘСИҺИ ҺӘЈАТЫ

ХИДМӘТДӘ ПҮХТӘЛӘШӘК Марагланан инсанлары јығынҹаға ҝәлмәјә тәшвиг един

Гардаш бир нәфәрә ибадәт ҝөрүшүнә дәвәтнамә верир

НӘ ҮЧҮН ВАҸИБДИР? Јығынҹаг ҝөрүшләриндә Јеһова Аллаһын шәнинә нәғмә охумаг вә Ону мәдһ етмәк имканымыз олур (Зб 149:1). Орада биз Аллаһын ирадәсини јеринә јетирмәји өјрәнирик (Зб 143:10). Адәтән, мараглананлар вә Мүгәддәс Китабы өјрәнәнләр јығынҹаға ҝәлмәјә башлајандан сонра инкишаф едирләр.

ОКТЈАБРДА ПАЈЛАНАҸАГ НӘШР: «ИБАДӘТ ҜӨРҮШҮНӘ ДӘВӘТНАМӘ»

Бәзи инсанлар ибадәт ҝөрүшүмүздә илк дәфә иштирак едәндән сонра бу гәнаәтә ҝәлирләр: «Һәгигәтән дә, Аллаһ сизинләдир» (1Кр 14:25). Октјабр ајы әрзиндә биз әл-әлә вериб инсанлары һәфтәсону ҝөрүшләримизә дәвәт едәҹәјик. Буну ибадәт ҝөрүшләримизә ҝәлмәләри үчүн дәвәтнамә вермәклә, јахуд да ев сакини разылыг верәрсә, она «Ибадәт ҝөрүшләримиз неҹә кечирилир?» адлы видеону ҝөстәрмәклә едәҹәјик. Нөвбәти һәфтә нүмунә үчүн тәгдимәјә бахаҹаг вә бирҝә мүзакирә едәҹәјик.

НЕҸӘ ЕТМӘЛИ?

Инсаны јығынҹаға нә гәдәр тез дәвәт етсәк, о гәдәр јахшыдыр. Онунла мүнтәзәм дәрс кечәҹәјимиз вахты ҝөзләмәк лазым дејил (Вһ 22:17).
Марагланан инсана јығынҹагда нәләрин олаҹағыны, һәмин ҝүн нә мүзакирә олунаҹағыны изаһ ет. Бунун үчүн дәвәтнамә вермәк, «Ибадәт ҝөрүшләримиз неҹә кечирилир?» адлы видеону ҝөстәрмәк вә ја «Јеһова Аллаһын мүасир халгы» брошүрүндән 5 вә 7-ҹи дәрсләри мүзакирә етмәк олар.
Көмәјини тәклиф ет. Онунла бирликдә јығынҹаға ҝетмәји, јахуд мүнасиб ҝејим сечиминдә көмәјини тәклиф едә биләрсән? Јығынҹагда јанында отур вә нәшрләри елә тут ки, о да бахсын. Ону баҹы-гардашларла таныш ет.