Маһнылардан нә өјрәнирик?

Ән чох севдијиниз маһнылар һансылардыр? Нәјә ҝөрә онлары севирсиниз? Јәгин фикир вермисиниз ки, онларын клипиндә ҝүндәлик һәјатдан олан сәһнәләр ҹанландырылыр. Маһныларын мөвзулары вә мусигиси мүхтәлифдир. Она ҝөрә дә онларын арасында һамынын зөвгүнә ујғун олан маһны вар. Бунунла белә, маһнылар вә онларын клипи садәҹә әјләнмәк үчүн дејил.

Маһныларын һәр бири бизә мәсиһи кими һәјатымызда вә ибадәтимиздә тәтбиг етмәк үчүн нә исә өјрәдир. Бәзи маһнылар гонагпәрвәрлик, бирлик, достлуг, ҹәсарәт, мәһәббәт вә иман һаггындадыр. Диҝәрләри Јеһоваја ҝери дөнмәк, бағышламаг, һәр ҝүн Аллаһа садиг галмаг, руһани мәгсәдләрә ҹан атмаг барәдәдир. Һәтта мобил телефондан таразлы истифадә етмәк барәдә дә маһны вар. Бәс сиз маһнылардан башга һансы саһәләрдә фајдаланмысыныз?

«ЈЕНИ ДҮНЈА ЈАХЫНДЫР» АДЛЫ КЛИПӘ БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Јашлы әр-арвад ҝәләҹәкдә алаҹаглары һансы немәтләр һаггында фикирләшир? (Јр 12:3)

• Јеһованын вердији вәдләри јеринә јетирмәјә гадир олдуғуна иманымызы неҹә мөһкәмләндирә биләрик?

• Тезликлә кимләр бир-биринә говушаҹаг?

• Падшаһлыг үмиди бизә индики чәтинликләрә дөзмәјә неҹә көмәк едир? (Рм 8:25)