Јалан мәлуматлар јајмајын

Бу ҝүн мәлумат чап форматда, радио, телевизија вә Интернет васитәсилә чох тез бир заманда милјонларла инсана јајылыр. Һагг Аллаһына ибадәт едәнләр истәмәзләр ки, тәсадүфән дә олса, јалан мәлумат јајсынлар (Зб 31:5; Чх 23:1). Јајылмыш јалан мәлумат инсанлара бөјүк зәрәр јетирә биләр. Мәлуматын доғру олуб-олмадығыны мүәјјән етмәк үчүн дүшүнүн:

• «Бу мәлуматы верән адама етибар етмәк олар?» Мәлуматы сөјләјән адам, бәлкә дә бүтүн фактлары билмир. Дилдән-дилә кечән сөһбәт исә мүтләг дәјишир. Буна ҝөрә дә, мәлуматын кимдән гајнагландығыны билмирсинизсә, еһтијатлы олун. Баҹы-гардашлар јығынҹагдакы мәсул гардашларын сөзүнә етибар етдикләринә ҝөрә, бу гардашлар хүсусилә еһтијатлы олмалыдырлар ки, дәгиг олмајан мәлуматы данышмасынлар.

• «Бу, мәнфи мәлуматдыр?» Әҝәр бу мәлумат киминсә вә ја кимләринсә репутасијасыны корлајаҹагса, јахшы олар ки, ону данышмајаг (Мс 18:8; Фп 4:8).

• «Бу, инандырыҹы мәлуматдыр?» Сенсасија доғуран әһвалатлар вә һадисәләр ешидәндә еһтијатлы олун.

«ГЕЈБӘТӘ ЈОЛ ВЕРМӘЈӘК!» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• 

  Мәсәлләр 12:18 ајәсинә әсасән, сөзләримиз һансы зәрәри јетирә биләр?

• 

  Филиппилиләрә 2:4 ајәсинә әсасән, башгалары һагда данышаркән нәләри нәзәрә алмалыјыг?

• 

  Әтрафымыздакы инсанлар башгалары һагда кинајәли вә мәнфи сөзләр сөјләмәјә башлајанда нә етмәлијик?

• 

  Киминсә һагда данышмаздан әввәл өзүмүзә һансы суаллары вермәлијик?