Хидмәтдә пүхтәләшәк. Телефонла шаһидлик

НӘ ҮЧҮН ВАҸИБДИР: Телефонла шаһидлик «мүждә һаггында әтрафлы шәһадәт» вермәк үчүн ваҹиб үсулдур (Һв 20:24)a. Бунун сајәсиндә биз вәзијјәтдән ирәли ҝәләрәк шәхсән баш чәкә билмәдијимиз инсанлара шаһидлик едә билирик.

НЕҸӘ ЕТМӘЛИ?

• 

  Һазырлашын. Мүнасиб мөвзу сечин. Сонра демәк истәдикләринизин планыны јазын. Һәмчинин сәсли месаж сахламалы олаҹағыныз һал үчүн ҝәлишинизин мәгсәдини билдирән гыса месаж һазырлаја биләрсиниз. Јахшы олар ки, маса архасында әјләшәсиниз вә планы, лазым олаҹаг диҝәр материаллары, мәсәлән, «JW Library^®» тәтбигини, јахуд jw.org^® сајтыны габагҹадан ачыб әлинизин алтында һазыр сахлајасыныз

• 

  Раһат олун. Тәбии данышын. Ев сакини сизи ҝөрүрмүш кими ҝүлүмсәјин вә жестләрлә данышын. Јерсиз фасиләләр етмәјин. Башгалары илә әмәкдашлыг етсәниз, даһа раһат олар. Ев сакини суал верәрсә, суалы уҹадан тәкрар един ки, әмәкдашыныз ҹаваб тапмагда сизә көмәк едә билсин

• 

  Тәкрар сөһбәт үчүн зәмин јарадын. Ев сакини мараг ҝөстәрирсә, нөвбәти зәнҝ үчүн ачыг суал гојун. Һәмчинин һансыса нәшри, видеону вә ја мәгаләни е-маиллә, јахуд башга үсулла ҝөндәрмәји вә ја шәхсән чатдырмағы тәклиф едә биләрсиниз. Јери дүшәндә вебсајтымыздакы башга нәшрләр барәдә она мәлумат верә биләрсиниз.