МӘСИҺИ ҺӘЈАТЫ
Топлантылар мәһәббәт ҝөстәрмәк үчүн фүрсәтдир
Нәјә ҝөрә топлантыларда иштирак етмәк бизә хошдур? Гәдим Исраилдә олдуғу кими бу ҝүн дә топлантыларда јүзләрлә, һәтта минләрлә диндашымызла бирҝә Јеһоваја ибадәт етмәк имканымыз олур. Руһани гида боллуғундан һәзз алырыг. Һәмчинин аиләмизлә вә достларымызла да хош вахт кечиририк. Мәһз бу сәбәбдән биз топлантынын үч ҝүнүндә дә иштирак етмәјә чалышырыг.
Диндашларымызла бирҝә јығышанда тәкҹә нә әлдә едәҹәјимиз барәдә јох, башгаларына неҹә мәһәббәт ҝөстәрә биләҹәјимиз барәдә дә дүшүнмәлијик (Гт 6:10; Иб 10:24, 25). Баҹы-гардашларымыз үчүн гапыны сахлајанда, јалныз өзүмүзә лазым олан гәдәр јер тутанда башгаларынын рифаһыны дүшүндүјүмүзү ҝөстәририк (Фп 2:3, 4). Топланты јени достлар газанмаг үчүн чох ҝөзәл фүрсәтдир. Програмдан әввәл вә сонра, һәмчинин наһар фасиләси заманы танымадығымыз диндашларымызла таныш ола биләрик (2Кр 6:13). Бу топлантыларда биз өмүрлүк достлар тапа биләрик! Ән әсасы исә әмәлдә мәһәббәт ҝөстәрдијимизи мүшаһидә едән инсанлар бизимлә бирҝә Јеһоваја ибадәт етмәк гәрарына ҝәлә биләр (Јһ 13:35).
«“МӘҺӘББӘТ ҺЕЧ ВАХТ ТҮКӘНМИР!” АДЛЫ БЕЈНӘЛХАЛГ ТОПЛАНТЫЛАР» ВИДЕОСУНА БАХАНДАН СОНРА СУАЛЛАРА ҸАВАБ ВЕРИН:
2019-ҹу илин бејнәлхалг топлантыларында гонаглара неҹә мәһәббәт ҝөстәрилмишди?
Нәјә ҝөрә Јеһованын халгы арасындакы бирлик вә мәһәббәт һејрәтамиздир?
Рәһбәрлик Шурасынын үзвләри мәсиһи мәһәббәтинин һансы јөнләрини вурғуламышдылар?
Топлантыларда һөкм сүрән мәһәббәтә өз төһфәнизи неҹә верә биләрсиниз?
Мәсиһи мәһәббәти Алманијада вә Ҹәнуби Корејада неҹә зәфәр чалмышды?
Биз нәјә гәти гәрарлы олмалыјыг?