Вахтында верилән руһани гида
1. Һезекиел 36:29 ајәси бизим ҝүнләримиздә неҹә јеринә јетир?
1 “Буғданы чағыраҹағам вә ону чохалдаҹағам вә үзәринизә гытлыг ҝәтирмәјәҹәјәм” — бу, Һөкмдар Јеһова Аллаһын сөзләридир (Һез. 36:29). Бу пејғәмбәрлик сөзләри Аллаһын буҝүнкү халгына тәтбиг едиләндир. Мәҹази диллә десәк, Јеһова Өз халгына бол чөрәк мәһсулу тәгдим едир. Бу, вилајәт конгресләриндә руһани гиданы вахтында бол шәкилдә алмағымыздан ҝөрүнүр.
2. Јеһова вилајәт конгресләриндә руһани гиданы вахтында неҹә тәгдим едир?
2 Јеһова, 1931-ҹи илдә Колумбијада (Оһајо штаты) кечирилән конгресдә Өз хидмәтчиләринә јени — Јеһованын Шаһидләри адыны гәбул етмәји бујурду (Иша. 43:10-12). Вәһј 7:9-17 ајәләриндәки бөјүк издиһамын ким олдуғу 1935-ҹи илдә ајдын олду. 1942-ҹи илдә Норр гардаш “Сүлһ чох сүрәҹәкми?” адлы мә’рузә илә чыхыш етди. Бу мә’рузә тәблиғ ишинин ҝенишләнмәсинә тәкан верди вә Ҝөзәтчи Гүлләсинин Ҝилеад мәктәбинин тә’сис едилмәсинә јол ачды. Бә’зи конгресләрин хүсусилә јадда галан олмасына бахмајараг, онларын һәр бири вахтында верилән руһани гида боллуғудур (Мәз. 23:5; Мат. 24:45).
3. Вилајәт конгресиндә руһани зијафәтдән там фајда әлдә етмәк үчүн нә етмәлијик?
3 Јахшы гидаланырсанмы? Әтрафда гида боллуғу олдуғу һалда, әҝәр гидаланмаг үчүн сә’ј ҝөстәрмәсәк, аҹ гала биләрик (Сүл. мәс. 26:15). Бу, руһани мә’нада да беләдир. Бә’зи конгресләрдә програм вахты чохларынын лазымсыз јерә әтрафда ҝәздикләри вә ја башгалары илә сөһбәт етдикләри мүшаһидә едилмишдир. Руһландырыҹы үнсијјәт ваҹиб олса да, конгресин һәр бир һиссәсиндән әввәл вә сонра үнсијјәт етмәк олар (Ваиз 3:1, 7). Јеримиздә отуруб, програмы диггәтлә динләмириксә, ваҹиб фикирләри нәзәрдән гачыра биләрик. Конгресин мүхтәлиф шө’бәләринин нәзарәтчиләри вә мәс’улијјәтли гардашлар конгресә даир һансыса мәсәләләри бә’зән мәһз програм вахты мүзакирә етмәли олурлар. Амма онлар бу мәсәләләрлә мәшғул олмадыглары вахт програмы диггәтлә динләмәкдә өзләри нүмунә вермәлидирләр. Ахы һеч биримиз Јеһованын һазырладығы руһани гидадан имтина етмәли дејилик! (1 Кор. 10:12; Филип. 2:12).
4. Јеһованын тәгдим етдији боллуға ҝөрә миннәтдар олдуғумузу неҹә ҝөстәрә биләрик?
4 Христиан дүнјасынын ҹансыз јалан тә’лимләриндән фәргли олараг, Јеһованын тәгдим етдији тәравәтләндириҹи руһани гида неҹә дә хошдур! (Иш. 65:13, 14). ‘Миннәтдар олдуғумузу’ ҝөстәрмәјин јолларындан бири — конгресә Јеһовадан тә’лим алмаг имканы кими бахмагдыр (Колос. 3:15, И–93). Мә’рузәни динләјәркән ону садәҹә гардашын чыхышы кими дејил, “Даһи Тә’лиматчы”дан (ЈД) ҝәлән хәбәр кими гәбул ет (Иш. 30:20, 21; 54:13). Диггәтлә гулаг ас. Әсас фикирләри гыса шәкилдә гејд ет. Һәр ахшам програмын әсас фикирләрини нәзәрдән кечир. Өјрәндикләрини тәтбиг ет.
5. Вилајәт конгресләриндән севинҹ әлдә етмәк үчүн һансы сәбәбләримиз вар?
5 Нә гәдәр ки, Һар-Меҝидон ҝәлмәјиб, һәр бир конгрес, һарада олурса-олсун — истәр гачгын дүшәрҝәсиндә, истәр мүһарибә ҝедән өлкәдә, истәрсә дә әмин-аманлыг һөкм сүрән јердә — Шејтанын үзәриндә чалынан нөвбәти гәләбәдир! Бирләшмиш гардашлыг кими, биз вилајәт конгресләриндә бирҝә топлашмаг имканыны гијмәтләндиририк (Һез. 36:38). Әминик ки, Јеһова бизи јенә дә гида илә вахтында тә’мин едәҹәкдир (Лука 12:42).
[4 сәһифәдәки чәрчивә]
Јеһованын тәгдим етдији руһани зијафәт үчүн миннәтдарлығыны ҝөстәр
◼ Диггәтли ол.
◼ Әсас фикирләри гејд ет.
◼ Һәр ахшам програмын әсас фикирләрини нәзәрдән кечир.
◼ Өјрәндикләрини тәтбиг ет.