Анма мәрасиминә һазырлашырсыныз?

Исанын кечирдији сонунҹу Пасха бајрамы әламәтдар иди. Тезликлә өләҹәји үчүн о, Пасха јемәјини һәвариләри илә бирҝә јемәји вә Ағанын шам јемәји адланан мәрасими тәсис етмәји планлашдырырды. Бу мәрасим һәр ил кечириләҹәкди. Иса Бутрусла Јәһјаны мәрасим үчүн отағы һазырламаға ҝөндәрди. (Лк 22:7—13; үз габығындакы шәклә бахын.) Бу бизә мартын 27-дә гејд едиләҹәк анма мәрасиминә һазырлашмалы олдуғумузу хатырладыр. Јығынҹаглар, еһтимал ки, нөвбәти һазырлыглары ҝөрүр: натиги тәјин едир, символлары тәшкил едир вә с. Бәс һәр биримиз анма мәрасиминә шәхсән неҹә һазырлаша биләрик?

Үрәјинизи һазырлајын. Анма мәрасими илә бағлы Мүгәддәс Китаб парчаларыны охујуб үзәриндә дүшүнүн. «Мүгәддәс Јазылары һәр ҝүн арашдырын» брошүрүндә буна аид ҹәдвәл вар. «Мүгәддәс Јазыларын Јени Дүнја Тәрҹүмәси»нин Б12 әлавәсиндә даһа тәфәррүатлы ҹәдвәл јерләшир. (Һәмчинин «Мәсиһи һәјаты вә ибадәти. Иш дәфтәри»нин 2020-ҹи ил апрел сајына бахын.) Аиләләр «Ҝөзәтчи Гүлләси нәшрләринин индекси» вә «Јеһованын Шаһидләринин нәшрләри үзрә ахтарыш» вәсаити васитәсилә фидјәнин ваҹиблији барәдә мәлуматлар тапыб аиләви ибадәтләриндә арашдыра биләрләр.

Башгаларыны дәвәт един. Дәвәт кампанијасында там иштирак един. Дүшүнүн ҝөрүн тәкрар сөһбәт етдијиниз кәсләри, әввәлләр Мүгәддәс Китаб дәрси кечдијиниз шаҝирдләри, танышларынызы вә гоһумларынызы дәвәт едә биләрсиниз? Ағсаггаллар гејри-фәаллары дәвәт етмәлидирләр. Унутмајын ки, әҝәр кимсә сизин әразидә јашамырса, онун јашадығы әразидә кечириләҹәк анма мәрасиминин јерини вә вахтыны jw.org

сајтында ҺАГГЫМЫЗДА бөлмәсиндә «Анма мәрасими» башлығына дахил олмагла өјрәнә биләрсиниз.

Даһа неҹә һазырлаша биләрик?