Сағламлыгла бағлы ҝөзләнилмәз вәзијјәтләрә индидән һазырлашын

Нәјә ҝөрә ваҹибдир? Инсанын башына ҝөзләнилмәдән һадисә ҝәлә биләр, гәфилдән хәстәханаја дүшә биләр. Буна ҝөрә дә зәрурәт јарананда кејфијјәтли мүалиҹә алмаг үчүн индидән тәдбир ҝөрүн. Белә етмәклә һәјат әнамына вә Јеһованын ганла бағлы ганунуна һөрмәт етдијинизи ҝөстәрирсиниз (Һв 15:28, 29).

Неҹә һазырлаша биләрсиниз?

• Дуа един вә «Тибби мүдахиләјә даир билдириш вә етибарнамә» (dpa) бланкыны диггәтлә долдурунa. Вәфтиз олунмуш тәблиғчиләр әдәбијјат үчүн ҹавабдеһ гардашлардан өзләри үчүн бу бланкы, азјашлы өвладлары үчүн исә «Шәхсијјәт вәсигәси»ни (ic) ала биләрләр

• Әҝәр һамиләсинизсә, ағсаггаллардан «Һамиләләр үчүн мәлумат» (S-401) бланкыны истәјин. Бу сәнәд һамиләлик вә доғуш заманы јаранан вәзијјәтләрдә дүзҝүн гәрарлар вермәјә көмәк едәҹәк

• Әҝәр ганла бағлы мәсәлә јаранса, јахуд хәстәханада јатмалы олсаныз, ағсаггалларыныза габагҹадан хәбәр верин вә хәстәханада билдирин ки, Јеһованын Шаһидләринин дини хидмәтчиси сизә баш чәкәҹәк.

Ағсаггаллар неҹә көмәк едә биләр? Онлар сизә «Тибби мүдахиләјә даир билдириш вә етибарнамә»ни долдурмаға көмәк едә биләрләр. Анҹаг мүалиҹә илә бағлы сизин јеринизә гәрар вермәјәҹәкләр вә ја шәхси сечим мәсәләләринә ҝәлдикдә өз фикирләрини билдирмәјәҹәкләр (Рм 14:12; Гт 6:5). Үзләшдијиниз вәзијјәтдә гандан истифадә олунма еһтималы јаранса, јығынҹағынызын ағсаггалларына мәлумат верин. Онлар дәрһал Хәстәханаларла әлагә комитәси (ХӘК) илә әлагә сахлајаҹаглар.

Хәстәханаларла әлагә комитәсинин көмәји. ХӘК-дә хидмәт едән гардашлар тибб вә һүгуг ишчиләринә ганла бағлы мөвгејимиз барәдә мәлумат вермәк үчүн тәлим алыблар. Онлар сизин нүмајәндәләринизә изаһ едә биләрләр ки, ган көчүрмәдән һансы үсулларла мүалиҹә олуна биләрсиниз. Лазым ҝәлсә, ганла бағлы мөвгејимизә һөрмәтлә јанашан һәким тапа биләрләр.

«МҮАЛИҸӘ ЗАМАНЫ ГАНЛА БАҒЛЫ НЕҸӘ ГӘРАР ВЕРМӘЛИ?» АДЛЫ ВИДЕОЈА БАХАНДАН СОНРА СУАЛА ҸАВАБ ВЕРИН:

• Видеоја әсасән, ҝөзләнилмәз вәзијјәтләрә габагҹадан неҹә һазырлаша биләрсиниз?

  textarea-1