Дуанын көмәји
Памела ҹидди хәстәлијә тутуланда мүалиҹәјә башлады. Амма мүалиҹә илә јанашы Аллаһа дуа едиб бу чәтинлијә дөзмәк үчүн ҝүҹ дә истәјирди. Бәс дуа она көмәк етди?
Памела дејир: «Хәрчәнҝдән мүалиҹә алдығым мүддәтдә тез-тез горху кечирирдим. Амма Јеһова Аллаһа дуа едәндә гәлбимә раһатлыг чөкүрдү, горху чәкилиб ҝедирди. Һәлә дә хроники ағрыларым вар. Амма дуа мәнә мүсбәт әһвал-руһијјәни горумаға көмәк едир. Мәндән һалымы сорушанда дејирәм: “Ҹаным ағрыјыр, амма әһвалым јахшыдыр!”»
Дүздүр, бу о демәк дејил ки, јалныз һәјатымыз үчүн тәһлүкә јарананда дуа етмәлијик. Һәр биримиз ирили-хырдалы чәтинликләрлә үзләширик вә чох вахт өз ҝүҹүмүзә онларын өһдәсиндән ҝәлмәк чәтин олур. Мәһз бу заман дуа дадымыза чата биләр.
Мүгәддәс Китабда дејилир: «Сән гајғы јүкүнү Јеһоваја вер, О, сәнә дајаг олар, О, һеч вахт салеһ инсаны јыхылмаға гојмаз» (Зәбур 55:22). Бу сөзләр инсаны чох руһландырыр. Демәли, дуа сизә неҹә көмәк едә биләр? Аллаһа дүзҝүн дуа етсәниз, О сизә чәтинлијин өһдәсиндән ҝәлмәјә көмәк едәҹәк. («Дуанын ҝүҹү» адлы чәрчивәјә бахын.)