Глобал психоложи сағламлыг бөһраны
«Һәмишә, адиҹә евдә отуранда белә, аз да олса, нараһатлыг кечирирәм».
«Әһвалым чох јахшы оланда нараһат олмаға башлајырам. Дәфәләрлә олуб ки, өзүмү һәддән артыг хошбәхт һисс еләмишәм, амма чох кечмәмиш кефим позулуб».
«Чалышырам диггәтими ҝүн әрзиндә баш верәнләрә ҹәмләјим. Амма һәрдән елә олур ки, сабаһкы ҝүнү дә өзүмә дәрд едирәм».
Бу фикирләри психоложи проблемләри олан инсанлар бөлүшүб. Бәс сиз вә ја јахынларыныз бу ҹүр нараһатлыглар кечирирсиниз?
Елә исә сиз тәк дејилсиниз. Бу ҝүн әксәр инсанларын ја өзләри, ја да доғмалары психоложи проблемләрдән әзијјәт чәкир.
Биз «сон дәрәҹә чәтин бир вахт»да јашадығымыз үчүн нараһатлыға сәбәб олан бир чох вәзијјәтләрлә гаршылашырыг (2 Тимутијә 3:1). Үмумдүнја Сәһијјә Тәшкилатынын (ҮСТ) арашдырмасына әсасән, дүнјада тәхминән һәр сәккиз нәфәрдән бириндә психоложи проблемә раст ҝәлинир. Бундан әлавә, ҮСТ-үн мәлуматына ҝөрә COVID-19 пандемијасы уҹбатындан 2020-ҹи илдә нараһатлыг вә ҹидди депрессив позунту кечирәнләрин сајы артараг тәхминән 78 милјона чатыб.
Дүздүр, бу статистиканы билмәк ваҹибдир. Амма ән ваҹиби одур ки, сизин вә доғмаларынызын психоложи сағламлығы нә јердәдир.
Психоложи сағламлыг нәдир?
Психи (ментал) ҹәһәтдән сағлам инсанын әһвал-руһијјәси вә һәјат фәалијјәти јахшы олур, стресин өһдәсиндән ҝәлә билир, ишдә мәһсулдар олур, еләҹә дә һәјатдан мәмнунлуг дујур.
Психи позунту...
НӘ ДЕЈИЛ? Инсанын һансыса јанлыш һәрәкәтинин, јахуд зәифлијинин нәтиҹәси дејил.
НӘДИР? Инсанын дүшүнҹәсиндә, әһвал-руһијјәсиндә вә давранышында позунтулара, еләҹә дә дәрин мәјуслуға сәбәб олан тибби вәзијјәтдир.
Психи позунтусу олан инсана башгалары илә мүнасибәт гурмаг вә ҝүндәлик проблемләри һәлл етмәк чәтин олур.
Јашындан, мәдәнијјәтиндән, иргиндән, мәншәјиндән, дининдән, тәһсилиндән вә ја мадди вәзијјәтиндән асылы олмајараг, һамыда раст ҝәлинә биләр.
Психоложи јардым алын
Өзүнүздә, јахуд доғмаларыныздан кимдәсә нәзәрәчарпаҹаг дәрәҹәдә дәјишикликләр, јуху вә ја гида гәбулу позунтусу, узун сүрән мәјуслуг, изтираб вә нараһатлыг кими һаллары мүшаһидә етмисинизсә, бунун сәбәбини мүәјјән етмәк вә мүалиҹә олунмаг үчүн мүтәхәссис көмәји лазым ҝәлә биләр. Бәс биздән нә ҝөзләнилир?
Иса Мәсиһ — дүнјада јашамыш ән һикмәтли инсан демишди: «Һәкимә сағлам адамлар јох, хәстәләр мөһтаҹдыр» (Мәтта 9:12). Сәһһәтиндә бу саһәдә проблеми олан инсанлар мүвафиг тибби мүалиҹәнин вә дәрманларын көмәји илә симптомлары минимума ендирә билмиш вә һәјат фәалијјәтләрини бәрпа едәрәк һәјатдан мәмнунлуг дујмушлар. Симптомлары ҹидди вә узунмүддәтли олан кәсләр, јахшы олар ки, јубанмадан мүалиҹә алсынларa.
Мүгәддәс Китаб тибби китаб дејил, бунунла белә, орада јазыланлар психи сағламлығымыз үчүн фајдалы ола биләр. Сизә нөвбәти мәгаләләри дә охумағы төвсијә едирик. Һәмин мәгаләләрдән ҝөрәҹәксиниз ки, Мүгәддәс Китаб психоложи проблемләрин өһдәсиндән ҝәлмәјә неҹә көмәк едир.
a «Ҝөзәтчи гүлләси» журналы конкрет һансыса мүалиҹәни төвсијә етмир. Бу мәсәлә илә бағлы һәр кәс өзү дүшүнүб гәрар вермәлидир.