Һәр кәсин вермәли олдуғу гәрар
Гәрарларымызын нәјә әсасландығы чох ваҹибдир. Бу, һәјатымызын ахарына тәсир едир. Јеһова буну билир, она ҝөрә дә вердији өјүд-нәсиһәтләрә ујғун јашамағымызы истәјир.
Јеһова динҹ вә хошбәхт өмүр сүрмәјимизи истәјир.
«Мән сәнин Аллаһын Јеһовајам, Мән сәнин хејринә сәни өјрәдирәм, сәни ҝетмәли олдуғун јолла апарырам. Каш әмрләримә диггәт јетирәјдин! Онда әмин-аманлығын чај кими, салеһлијин дәниз далғалары кими оларды» (Әшија 48:17, 18).
Јараданымыз нәјин бизим хејримизә олдуғуну даһа јахшы билир. Буна ҝөрә дә, вердији нәсиһәтләрә әмәл етмәјимизи истәјир. Онун бујругларына әмәл едәндә онларын хејримизә олдуғуна шүбһә етмәјәҹәјик вә даима доғру сечимләр едәҹәјик. Нәтиҹәдә, динҹ вә фираван өмүр сүрәҹәјик.
Јеһова биздән мүшкүл бир шеј истәмир.
«Бу ҝүн сизә вердијим әмр ағыр, јахуд әлчатмаз дејил» (Ганунун тәкрары 30:11).
Аллаһын бујругларына әмәл етмәк үчүн дүшүнҹәмиздә вә һәрәкәтләримиздә нәјисә дәјишмәк лазым ҝәлә биләр. Бундан савајы, Јараданымыз ҝүҹүмүзүн нәјә чатдығыны билир вә биздән чох шеј тәләб етмир. Биз Јеһованы таныдыгҹа ҝөрәҹәјик ки, «Онун әмрләри... ағыр дејил» (1 Јәһја 5:3).
Јеһова өјүд-нәсиһәтләри илә јашајанлара көмәк едәҹәјинә сөз верир.
«Мән, Аллаһын Јеһова сәнин сағ әлиндән тутмушам, сәнә дејирәм: “Горхма! Сәнә көмәк едәҹәјәм”» (Әшија 41:13).
Биз Аллаһын бујурдуғу кими јашаја биләрик, чүнки О бизә көмәк едәҹәк. Кәламы олан Мүгәддәс Китаб васитәсилә бизи руһландыраҹаг вә бизә үмид бәхш едәҹәк.
Дүнјанын дөрд бир јанында милјонларла инсан Мүгәддәс Китабдакы бујруглара ујғун јашамағын һәјатларыны јахшылыға доғру дәјишдијини ҝөрүбләр. Сиз дә Мүгәддәс Китабдакы фајдалы мәсләһәтләр һагда өјрәнә биләрсиниз. Буна Мүгәддәс Китаба әсасланан «Әбәди хошбәхт һәјат!» брошүрүнү арашдырмагла башлаја биләрсиниз. Брошүрү jw.org сајтындан пулсуз әлдә едә биләрсиниз. Орада бу дәрсләр јер алыр:
Мүгәддәс Китабын сизә фајдасы
Мүгәддәс Китаб ҝөзәл ҝәләҹәк вәд едир
Мүгәддәс Китаба нәјә ҝөрә етибар етмәк олар?
Мүгәддәс Китабы арашдырсаныз ҝөрәҹәксиниз ки, о көһнәлмәјиб вә «һәмишә, индидән та әбәдијјәтәдәк сабитдир» (Зәбур 111:8). Орадакы өјүдләрә әмәл етмәклә һәјатда доғру сечим етмиш оларыг. Бунунла белә, Аллаһ бизи бу өјүдләрә ујғун јашамаға мәҹбур етмир (Ганунун тәкрары 30:19, 20; Јушә 24:15). Бу һәр кәсин өз сечимидир.