Нәјә ҝөрә мүһарибә вә мүнагишәләр битмәк билмир?
Мүгәддәс Китаб мүһарибә вә мүнагишәләрин тәмәл сәбәбләрини вә онларын нәјә ҝөрә һәлә дә давам етдијини ачыглајыр.
ҜҮНАҺ
Аллаһ улу валидејнләримиз Адәмлә Һәвваны Өзүнә бәнзәр јаратмышды (Јарадылыш 1:27). Бу о демәк иди ки, онлар сүлһ вә мәһәббәт дә дахил олмагла, Аллаһын хүсусијјәтләрини тәбии олараг тәзаһүр етдирәҹәкдиләр (1 Коринфлиләрә 14:33; 1 Јәһја 4:8). Лакин Адәмлә Һәвва Аллаһа итаәтсизлик едиб ҝүнаһ ишләдиләр. Нәтиҹәдә, һәр биримиз ҝүнаһы вә өлүмү мирас алдыг (Ромалылара 5:12). Мирас алдығымыз ҝүнаһ бизи зоракы дүшүнҹә вә давранышлара сөвг едир (Јарадылыш 6:5; Марк 7:21, 22).
ИНСАН ҺӨКУМӘТЛӘРИ
Аллаһ бизи елә јаратмајыб ки, инсан инсан үзәриндә һакимијјәт сүрсүн. Мүгәддәс Китабда дејилир: «Аддымларыны јөнәлтмәк инсанын ихтијарында дејил» (Әрәмја 10:23). Буна ҝөрә дә инсан һөкумәтләри мүһарибәләрә вә мүнагишәләрә бирдәфәлик сон гоја билмир.
ШЕЈТАН ВӘ ОНУН ҸИНЛӘРИ
Мүгәддәс Китабда ајдын шәкилдә дејилир ки, «бүтүн дүнја... Шәририн әлиндәдир» (1 Јәһја 5:19). Ајәдәки «Шәрир» Шејтан Иблисдир вә о, гатилдир (Јәһја 8:44). О вә әлалтылары олан шәр руһи гүввәләр «сәһнә архасындан» мүһарибә вә мүнагишәләрә тәкан верирләр (Вәһј 12:9, 12).
Инсанлар мүһарибә вә мүнагишәләрин тәмәл сәбәбләрини арадан галдырмаға гадир дејилләр, Аллаһ исә гадирдир.