Әшија

61 Күлли-Ихтијар Јеһованын руһу үзәримдәдир,+

Чүнки Јеһова мәни һәлимләрә мүждә вермәк үчүн мәсһ етди.+

О, мәни гәлбисыныгларын јарасыны сарымаға,

Әсирләрә азадлығы,

Дустаглара ҝөзләринин ачылаҹағыны хәбәр вермәјә ҝөндәрди.+

 2 Јеһованын илтифат илини,

Аллаһымызын интигам ҝүнүнү бәјан етмәјә,+

Бүтүн јаслылара тәсәлли вермәјә,+

 3 Сион үчүн ағлајанлара

Күл јеринә өрпәк,

Јас јеринә шәнлик јағы,

Гәм јеринә шүкран либасы вермәјә ҝөндәрди.

Онлара Јеһованын Өзүнү уҹалтмаг үчүн әкдији

Бөјүк салеһлик ағаҹлары дејиләҹәк.+

 4 Нечә-нечә нәсилләрдир виран галмыш јерләри,

Гәдим дағынтылары абад едәҹәкләр,+

Кечмишдән галма виранәликләри тикиб галдыраҹаглар,+

Јерлә јексан шәһәрләри бәрпа едәҹәкләр.+

 5 «Јаделлиләр ҝәлиб сүрүләрини отараҹаг,

Әҹнәбиләр+ сәнин әкинчин, үзүмчүн олаҹаг.+

 6 Сиз исә Јеһованын каһинләри адланаҹагсыныз,+

Сизә Аллаһымызын хидмәтчиләри дејиләҹәк.

Сиз халгларын сәрвәтини јејәҹәк,+

Онларын ҹаһ-ҹалалы илә өјүнәҹәксиниз.

 7 Хәҹаләт јеринә икигат пај алаҹагсыныз,

Халгым рүсвајчылыг јеринә алдығы паја ҝөрә севинҹдән һајгыраҹаг.

 8 Мән Јеһова әдаләти севирәм,+

Сојғунчулуға, надүрүстлүјә нифрәт едирәм.+

Мән онларын һаггыны инсафла верәҹәјәм,

Онларла әбәди әһд кәсәҹәјәм.+

 9 Онларын өвладлары халглар арасында,

Төрәмәләри үммәтләр арасында танынаҹаг.+

Ҝөрән һәр кәс биләҹәк ки,

Јеһованын хејир-дуасы бу нәслин үзәриндәдир».+

Чүнки О, әјнимә ниҹат либасы ҝејиндирди;+

Мәни салеһлик әбасына бүрүдү,

Башына каһин чалмасы гојмуш тәзәбәј кимијәм,+

Бәзәниб-дүзәнмиш ҝәлин кимијәм.

11 Торпаг пөһрәни ҹүҹәртдијитәк,

Бағ әкилән тохумлары јетишдирдијитәк,

Күлли-Ихтијар Јеһова да

Салеһлији+ вә шүкраны бүтүн халглар өнүндә белә јетишдирәҹәк.+