Ҝилеадын 123-ҹү бурахылышы

Ҝилеадын мәзунлары дәрин «газмаға» тәшвиг олунурлар

КЕЧӘН ил сентјабрын 8-и, шәнбә ҝүнү Ҝөзәтчи Гүлләсинин Мүгәддәс Китаб Мәктәби Ҝилеадын 123-ҹү бурахылышы олду. Бурахылышда 41 өлкәдән 6 352 нәфәр иштирак едирди. Сәһәр саат 10:00-да програмын сәдри, Рәһбәрлик Шурасынын үзвү Ентони Морис динләјиҹиләри саламлады. Ҝириш сөзләриндән сонра биринҹи натиги — Бирләшмиш Штатларын филиалынын Комитәсинин үзвү Гари Брону тәгдим етди.

Бро гардаш мәзунлары әмин етди ки, Јеһованын ирадәсини јеринә јетирәнләр хариҹи ҝөрүнүшләриндән асылы олмајараг, Онун ҝөзүндә ‘ҝөзәлдирләр’ (Јер. 13:11, КМ). О, мәзунлары бу ҝөзәллији горујуб сахламаға тәшвиг етди. Сонра, Рәһбәрлик Шурасынын үзвү Герит Лөш вурғулады ки, Јеһоваја хидмәт едәндә Ондан мүкафат алмаға үмид етмәјимиз сәһв дејил (Ибр. 11:6). Бунунла белә бизи Јеһоваја хидмәт етмәјә тәшвиг едән тәмәннасыз мәһәббәт олмалыдыр.

Нөвбәти натиг, Теократик Мәктәбләр Шөбәсинин нәзарәтчиси Уилјам Семјуелсон мәзунлары һөкмранлыг едән Падшаһы елан етмәк кими шәрәфли тапшырыға бағлы галмаға вә ләјагәтләрини јахшы давранышлары илә ҝөстәрмәјә тәшвиг етдиa. Теократик Мәктәбләр Шөбәсинин нәзарәтчисинин көмәкчиси Сем Роберсон мәзунлара һәмишә башгаларында јахшы хүсусијјәтләр ахтармағы мәсләһәт етди. Мәзунлар белә давранмагла бүтүн «гардашлығы» даһа јахшы севә биләҹәкләр (1 Пет. 2:17).

Бу тәшвигедиҹи мәрузәләрдән сонра Ҝилеад Мәктәбинин мүәллими Марк Нумар тәлим кечдикләри мүддәтдә хидмәтдә мараглы һадисәләрлә үзләшән бир нечә мәзундан мүсаһибә ҝөтүрдү. Динләјиҹиләр онларын хидмәти севдикләринә вә башгаларына көмәк етмәк истәдикләринә там әмин олдулар. Патерсонун Бет-Ел бүросундан Кент Фишер миссионерләрин тәјинат алдығы үч өлкәнин филиал комитәсинин үзвләриндән мүсаһибә ҝөтүрдү. Бу ҝөзәл гардашларын сөзләри, араларында мәзунларын бир чохунун валидејнләри олан динләјиҹиләри әмин етди ки, јени миссионерләрә тәјинатларында там гајғы ҝөстәриләҹәк. Даһа сонра тәрҹүмәчиләрә хидмәт шөбәсиндән Исак Мареј узун мүддәт хидмәт едән миссионерләрдән мүсаһибә ҝөтүрдү. Онларын данышдығы һадисәләр мәзунлара јашајаҹаглары севинҹи әввәлҹәдән дадмаға көмәк етди.

Програмын «Һәр шеји ешитдикдән сонра нә едәҹәксиниз?» адланан әсас мәрузәсини Рәһбәрлик Шурасынын үзвү Ҹефри Ҹексон тәгдим етди. Сакит океанын ҹәнубунда 25 илә јахын миссионер кими хидмәт едән Ҹексон гардаш мәрузәсиндә Исанын Дағүстү тәблиғинин јекун һиссәсини мүзакирә етди. Иса бурада, ев тикән ики адамдан данышмышды, онлардан бири ағыллы, диҝәри исә ағылсыз иди. Натиг гејд етди ки, һәр ики ев, ола билсин, ејни әразидә тикилмишди. Анҹаг ағылсыз адам евини јерин үст гатында, јәни гумун үзәриндә тикмишди, ағыллы адам исә тәмәл үчүн мөһкәм даш тапана кими газмышды. Мөһкәм гасырға гопанда даш үзәриндә тикилән ев галды, гум үзәриндә олан исә учду (Мат. 7:24-27; Лука 6:48).

Иса изаһ етди ки, онун тәлимләринә гулаг асмагдан савајы һеч нә етмәјәнләр ағылсыз адама, әмәл едәнләр исә ағыллы адама бәнзәјирләр. Ҹексон гардаш мәзунлара деди: «Мүгәддәс Китабы арашдыраркән өјрәндикләринизи миссионер хидмәтиниздә тәтбиг едәндә, һәмин ағыллы адама бәнзәјәҹәксиниз». Сонда о, мәзунлары миссионер хидмәтиндә дәрин «газмаға» тәшвиг етди.

Ахырда, мәзунлар дипломларыны вә тәјинатларыны алдылар, Морис гардаш да мәзунлара јекун нәсиһәтләрини верди. О, мәзунлары һәмишә Исанын ардынҹа ҝетмәјә вә Јеһованын ҝүҹүнә ҝүвәнмәјә тәшвиг етди. Бунунла да бурахылыш програмы сона чатды.

[Һашијә]

[31-ҹи сәһифәдәки чәрчивә]

СИНФИН СТАТИСТИК МӘЛУМАТЛАРЫ

Тәмсил едилән өлкәләрин сајы: 10

Тәјинат верилән өлкәләрин сајы: 24

Тәләбәләрин сајы: 56

Орта јаш һәдди: 33,5

Һәгигәтдә олмаларынын орта ил һәдди: 17,9

Таммүддәтли хидмәтләринин орта ил һәдди: 13,8

[32-ҹи сәһифәдәки шәкил]

Ҝөзәтчи Гүлләсинин Мүгәддәс Китаб Мәктәби Ҝилеадын 123-ҹү синфинин мәзунлары

Ашағыдакы сијаһыда ҹәрҝәләр габагдан архаја доғру нөмрәләниб, адлар исә һәр ҹәрҝәдә солдан саға садаланыб.

1) Еспарза Е.; Пепаја С.; Билал А.; Суарез М.; Еверс Е.; Димичино К. 2) Роза М.; Фуҹии Р.; Рејти О.; Леватен Ҹ.; Ван Лимпүтен М. 3) Боскајино А.; Бек К.; Буданова Һ.; Браз К.; Пелтс К.; Сиау А. 4) Леватен С.; Сантико Һ.; Конте С.; Уилсон Ҹ.; Рајлет Ҹ.; Пирс Ш.; Фуҹии К. 5) Роза Д.; Боскајино М.; Аустин В.; Родјел П.; Билал П.; Димичино П. 6) Рејти Б.; Чизик Д.; Кларк Ҹ.; Риедел А.; Еспарза Ф.; Сиау П.; Ван Лимпүтен Т. 7) Родјел Һ.; Еверс Ҹ.; Грин Ҹ.; Чизик Ҹ.; Сантико М.; Рајлет М. 8) Пелтс Л.; Аустин Д.; Риедел Т.; Бек М.; Пирс У.; Конте С.; Грин С. 9) Суарез Һ.; Кларк Ҹ.; Пепаја С.; Буданов М.; Уилсон Р.; Браз Р.