«Бојундуруғуму үзәринизә ҝөтүрүн»
1 Иса инсанлары онун бојундуруғу алтында раһатлыг тапмаға дәвәт едирди. Бу сәмими дәвәтә һај вермәклә нараһатлыг вә тәзјигләрлә долу олан дүнјада әсл мәнада јүнҝүллүк тапмышыг (Мат. 11:29, 30). Шаҝирдлик бојундуруғуну ҝөтүрмәк тәкҹә мараглы јох, һәм дә тәравәтләндириҹи иши ҝөрмәји өзүнә дахил едир. Бу иш Падшаһлыг һаггында хош хәбәри тәблиғ етмәк вә инсанлара бизимлә бирликдә Исанын хејирхаһ бојундуруғу алтында тәравәт тапмаға көмәк етмәкдир (Мат. 24:14; 28:19, 20).
2 Хидмәтин ҝәтирдији раһатлыг. Иса демәди ки, давамчылары өз јүкләри илә бәрабәр онун јүкүнү дә дашысынлар, әксинә, онлары өз ағыр јүкләрини онун јүнҝүл јүкү илә дәјишмәјә дәвәт етди. Артыг биз нә бу дүнјанын нараһатлыглары вә үмидсизлији илә јүкләнир, нә дә ҝүвәнилә билмәјән вар-дөвләтә ҝөрә ағыр зәһмәт чәкирик (Лука 21:34; 1 Тим. 6:17). Биз һәтта мәшғул инсанлар олсаг вә ҝүндәлик еһтијаҹларымызы тәмин етмәк үчүн ишләсәк дә, һәјатымызы Аллаһа ибадәт әтрафында ҹәмләшдиририк (Мат. 6:33). Нәјин ән ваҹиб олдуғуна дүзҝүн бахышы горусаг, хидмәтә јүк кими бахмајаҹағыг, әксинә, о бизә һәмишә тәравәт ҝәтирәҹәк (Филип. 1:10).
3 Адәтән бизә әзиз олан шејләр һаггында данышмағы севирик (Лука 6:45). Бүтүн мәсиһчиләри исә дәриндән марагландыран Јеһова Аллаһ вә Онун Падшаһлығынын ҝәтирәҹәји хејир-дуалардыр. Беләликлә, ‘јахшы шејләр мүждәләмәк’ вә хидмәт едәркән ҝүндәлик гајғыларымызы архада бурахмаг неҹә дә тәравәт ҝәтирир! (Ром. 10:15). Сөзсүз ки, бир иши нә гәдәр чох ҝөрүрүксә, бир о гәдәр дә сәриштәли олур вә севинҹ тапырыг. Буна ҝөрә, ҝүҹүмүз чәрчивәсиндә хидмәтә чох вахт сәрф етмәклә даһа чох раһатлыг тапаҹағыг. Үстәлик, тәблиғимизә һај верән инсанлары ҝөрәндә биз неҹә дә руһланырыг! (Һәв. иш. 15:3). Һәтта лагејд мүнасибәтлә вә ја тәгибләрлә үзләшәндә белә, сәјләримизин Јеһоваја мәгбул олдуғуну вә Онун хејир-дуаларынын ахырда мүсбәт нәтиҹәләр ҝәтирәҹәјини јадда сахласаг, хидмәт бизә руһани тәравәт ҝәтирәҹәк (Һәв. иш. 5:41; 1 Кор. 3:9).
4 Јеһованын Шаһидләри олан бизләр Исанын дәвәтини гәбул едәндә онунла хидмәт етмәк үстүнлүјүнә малик олуруг (Јешаја 43:10; Вәһј 1:5). Инсана һеч бир шеј бундан чох тәравәт ҝәтирә билмәз!