Башгаларына Иса һаггында олан һәгигәти билмәкдә көмәк ет
1 Мәсһ едилмиш мәсиһчиләр башга гојунлардан олан һәмкарлары илә бирликдә Иса һаггында шәһадәтлик едирләр (Вәһј 12:17). Бу чох мәс’улијјәтли тапшырыгдыр, белә ки, хилас јалныз Исанын васитәсилә мүмкүндүр (Јәһ. 17:3; Һәв. иш. 4:12).
2 “Јол, һәгигәт вә һәјат”. Иса деди: “Јол, һәгигәт вә һәјат Мәнәм; Мәним васитәчилијим олмаса, Атанын јанына һеч ким ҝәлә билмәз” (Јәһ. 14:6). Биз, јалныз бу ‘јолун’ — Иса Мәсиһин — васитәсилә дуада Аллаһа јахынлаша вә Онун лүтфүнү газана биләрик (Јәһ. 15:16). Иса о мә’нада “һәгигәт” иди ки, Ибраниҹә Мүгәддәс Јазыларда олан пејғәмбәрликләр вә сурәтләр онда ҝерчәкләшди (Јәһ. 1:17; Колос. 2:16, 17). Пејғәмбәрликләрин әсас мәғзи, Аллаһын нијјәтләринин иҹрасында онун әсас ролуну ишыгландырмагдыр (Вәһј 19:10). Вә нәһајәт Иса “һәјат”дыр. Әбәди һәјат ән’амыны әлдә етмәк үчүн, һамы онун фидијә гурбанлығына иман ҝәтирмәлидир (Јәһ. 3:16, 36; Ибр. 2:9).
3 Башчы вә һөкмранлыг едән Падшаһ. Инсанлар һәмчинин билмәлидирләр ки, Јеһова өз Оғлуна бөјүк иҹраедиҹи сәлаһијјәт һәвалә етмишдир. Иса Аллаһын Падшаһлығынын Падшаһы олду, “халглар она итаәт едәҹәк” (Јар. 49:10, МКШ). Бундан әлавә Јеһова ону јығынҹағын Башчысы тә’јин етди (Ефес. 1:22, 23). Биз, Мүгәддәс Китабы өјрәнән адамлара Исанын јығынҹаглары неҹә идарә етдијини вә “вахтлы-вахтында... јемәк вермәк үчүн... садиг вә ағыллы гул”дан неҹә истифадә етдијини баша дүшмәјә көмәк етмәлијик (Мат. 24:45-47).
4 Мәрһәмәтли Баш Каһин. Јердә јашајаркән Иса сынагларла гаршылашыр вә изтираблара таб ҝәтирирди, буна ҝөрә дә о, “имтаһан олунанлара јардым едә биләр” (Ибр. 2:17, 18). Зәифликләриндә Исанын онлара шәфгәт ҝөстәрдијини вә онлар үчүн вәсатәт етдијини билмәк гејри-камил инсанлара неҹә дә хошдур! (Ром. 8:34). Исанын гурбанлығы әсасында вә онун Баш Каһин кими хидмәти сајәсиндә “вахтында јардыма малик олмаг үчүн” Јеһоваја “ҹәсарәтлә” јахынлаша билирик (Ибр. 4:15, 16).
5 Гој инсанлары Иса һаггында олан һәгигәтлә таныш етмәк ҹәһдләримиз, онлары Исаја табе олмаға вә бизимлә бирликдә хидмәт етмәјә тәшвиг етсин (Јәһ. 14:15, 21).