«Јумруғуну» һикмәтлә ат
1. Биринҹи Коринфлиләрә 9:26 ајәсини хидмәтдә неҹә тәтбиг едә биләрик?
1 Һәвари Павел јазырды: «Мән мәгсәдсиз гачмырам, јумруғу елә атырам ки, зәрбәм боша чыхмасын» (1 Кор. 9:26). Павел бүтүн фикрини јалныз руһани мәгсәдләрә ҹәмләмишди. Принсип етибарилә, бу сөзләри тәблиғ хидмәтинә дә тәтбиг етмәк олар. Биз ән јахшы нәтиҹәләрә наил ола билмәк үчүн јумруғумузу һикмәтлә атмаг истәјирик, чүнки сәјләримизин боша чыхмасыны истәмирик.
2. Павел вә биринҹи әсрдәки диҝәр мүждәчиләри неҹә тәглид едә биләрик?
2 Инсанлар олан јерләрдә тәблиғ ет. Павел вә биринҹи әсрдәки диҝәр һәвариләр инсанлар олан јерләрдә тәблиғ едирдиләр (Һәв. иш. 5:42; 16:13; 17:17). Әҝәр саһәмиздәки инсанларын әксәријјәти ахшамлар евдә олурларса, онда евдән-евә хидмәти һәмин вахта салмаг олар. Јәгин сизин әразидә дә сәһәр тездән вә ахшамүстү автобус дајанаҹаглары вә гатар стансијалары ишә ҝедиб-ҝәлән инсанларла долу олур. Јахуд алыш-вериш мәркәзләриндә инсанлар чох олур. Белә вахтларда күчәдә шаһидлик етмәк даһа сәмәрәли ола биләр.
3. Саһә ишләјәркән неҹә мүдрик ола биләрик?
3 Саһә ишләјәркән мүдрик ол. Јумруғумузу һикмәтлә атмағымыз һәмчинин саһәмизи неҹә ишләмәјимиздән асылыдыр. Мәсәлән, групун тәшкил олунмуш вә сәмәрәли шәкилдә фәалијјәт ҝөстәрмәси үчүн чохлу вахт вә сәј тәләб олунан јерләрдә бөјүк групла тәблиғ етмәкдәнсә, ону бөлмәк даһа јахшы оларды. Ејнилә, кәнд јерләриндә тәблиғ едәркән дә груп чох бөјүк олмајанда әразини тез ишләјиб гуртараҹағыг вә даһа чох данышмаг имканымыз олаҹаг. Бәлкә, јола чох вахт ҝетмәсин дејә евә јахын әразидә саһә ҝөтүрәсән.
4. Хидмәтдә сәмәрәли олмаг үчүн нә едә биләрик?
4 Иса Мәсиһ хош хәбәрин тәблиғчиләри барәдә демишди: «Бундан сонра балыг јох, инсан тутаҹагсыныз» (Марк 1:17). Адәтән, балыгчынын мәгсәди садәҹә суја тор атмаг јох, балыг тутмаг олур. Буна ҝөрә дә, јахшы балыгчылар нә вахт вә һарада балыг тапаҹағыны билдији јерләрә ҝедир, вахт итирмәдән балыг тутмаға башлајырлар. Онлар ҝүҹләрини мүдрикликлә сәрф едирләр. Ҝәлин биз дә хидмәтдә шөвглә иштирак едәк (Ибр. 6:11).