Саһә ҝөтүрмәјин һансы фајдасы вар?
1. Саһә ҝөтүрмәк нә үчүн ваҹибдир?
1 Кифајәт гәдәр саһәси олан јығынҹагда хидмәт едирсәнсә, чох еһтимал ки, евинин јахынлығында саһә ҝөтүрмәк истәјәҹәксән. «Тәшкил олунмушуг» китабынын 103-ҹү сәһифәсиндә (рус.) гејд олунур: «Әҝәр саһән ҝедиб-ҝәлмәк асан олан бир јердә оларса, тәблиғ үчүн вахтдан сәмәрәли истифадә едә биләҹәк, һәмчинин башга тәблиғчиләри дә өз саһәнә дәвәт едә биләҹәксән».
2. Саһә тәблиғиндә иштирак етмәклә груп шәклиндә шаһидлији неҹә дәстәкләјә биләрик?
2 Груп шәклиндә шаһидлији дәстәклә. Әҝәр саһән иш јеринә јахын оларса, онда наһар фасиләсиндә вә ја ишдән сонра јахынлыгда ишләјән бир тәблиғчи илә әмәкдашлыг едә биләрсән. Әҝәр саһән евинә јахын әразидә јерләширсә, бу заман сәнә вә аилә үзвләринә ахшамчағы тәблиғә чыхмаг асан олаҹаг. Ишдир тәблиғ үчүн ҝөрүш олмајан бир вахт хидмәтә чыхырсанса, тәблиғә башламамышдан әввәл Јеһовадан рәһбәрлик алмаг үчүн дуа ет (Филип. 4:6). Саһәндә хидмәт етмәклә групла бирҝә әмәкдашлыг етмәк арасында таразлығы гору. Әсас етибарилә һәфтәсонлары кечирилән тәблиғ үчүн ҝөрүшләрдә иштирак етмәк ваҹибдир.
3. Шәхси саһәнин олмасынын һансы фајдалары вар?
3 Фајдалары. Әҝәр саһән варса, графикин јол верәндә хидмәт етмәјә јерин олаҹаг. Беләҹә сән даһа чох хидмәт едәҹәк, јола исә аз вахт сәрф едәҹәксән. Бу, бәзиләринә көмәкчи вә даими пионер кими хидмәт етмәјә имкан јарадыр. Јахынлыгдакы әразидә мараг ҝөстәрән ев саһибинә јенидән баш чәкмәк вә Мүгәддәс Китаб өјрәнмәси башламаг асан олаҹаг. Хүсусилә әввәлләр ишләнмиш саһәдә хидмәт едән тәблиғчи ев саһиби илә таныш олур вә онларын етибарыны газаныр, бунун сајәсиндә диҝәрләри мараг ҝөстәрә биләр. Сән вә аилә үзвләрин саһә хидмәтиндә иштирак едәрәк хидмәти там јеринә јетирирсинизми? (2 Тим. 4:5).