Мүвафиг вахты сатын алырсынызмы?
ҺӘВАРИ Павел биринҹи әсрдә Ефесдә јашајан мәсиһчиләрә мәсләһәт верди: “Нә ҹүр һәрәкәт етдијинизә чох диггәт верин, һикмәтсиз кими јох, һикмәтли кими јашајын. Һәр фүрсәтдән истифадә един, [“өзүнүз үчүн мүвафиг вахты сатын алын”, ЈД, чүнки јашадығымыз ҝүнләр шәрдир” (Ефеслиләрә 5:15, 16). Бу мәсләһәт нә үчүн зәрури иди? Бу суала ҹаваб вермәк үчүн, һәмин гәдим шәһәрдә мәсиһчиләрин гаршылашдыглары вәзијјәтләри билмәк лазымдыр.
Зәнҝинлији илә танынмыш Ефес шәһәриндә, әхлагсызлыг, ҹинајәт вә мүхтәлиф шејтани ишләр инкишаф едирди. Бундан әлавә, мәсиһчиләр заманла әлагәдар јанлыш фәлсәфи тәсәввүрләрлә тоггушмалы олурдулар. Ефесдәки мәсиһчи олмајан јунанлар вахтын бир истигамәтдә һәрәкәт етдијинә инанмырдылар. Јунан фәлсәфәси һәјатын тәкрарланан сонсуз силсилә олдуғуну өјрәдирди. Һәјатынын бир силсиләсини мәгсәдсиз јашамыш адам, итирдији шејләри башга дөврдә әлдә едә биләрди. Јунанларын бу ҹүр дүнјаҝөрүшү, ефесли мәсиһчиләри ола билсин ки, һөкм ҝүнү дә дахил олмагла, Јегованын тә’јин етдији вахта дүшүнҹәсиз мүнасибәт инкишаф етдирмәјә тәшвиг етди. Буна ҝөрә дә, Павел онлара “мүвафиг вахты сатын алын” дејә, мәсләһәт едирди.
Павел үмумијјәтлә вахт һаггында данышмырды. Онун истифадә етдији јунан сөзү, конкрет бир нијјәтин јеринә јетирилмәси үчүн мүәјјән едилән мүнасиб заман дөврү мә’насыны верир. Аллаһын тә’јин етдији вахт һәлә баша чатмадығы үчүн вә Онун мәрһәмәти сајәсиндә һәлә хилас ола биләҹәкләри үчүн, Павел биринҹи әсрдәки мәсиһчиләрә сәрәнҹамларында олан әлверишли имкандан мүдрикликлә истифадә етмәләрини мәсләһәт ҝөрүрдү (Ромалылара 13:11—13; 1 Салониклиләрә 5:6—11).
Биз дә буна бәнзәр зәманәдә јашајырыг. Буна ҝөрә дә, бир даһа тәкрар олунмајаҹаг гијмәтли вахты бу дүнјанын өтәри зөвгләринин ардынҹа гачараг әбәс јерә итирмәјә дәјмәз. Мәсиһчиләр, сәрәнҹамларында олан вахтларыны хејирли ишләрә сәрф едир вә бунунла да Јараданлары Јегова Аллаһла олан мүнасибәтләрини мөһкәмләндирирләрсә, мүдрик давранырлар (2 Петер 3:11; Мәзмур 73:28; Филипилиләрә 1:10).