13. Мүгәддәс Китабда гадынлар үчүн һансы принсипләр вардыр?

¹³ Мүгәддәс Китабда гадынлар үчүн дә принсипләр јазылыб: «Гадынлар! Рәббә табе олур кими, әрләринизә табе олун. Чүнки бәдәнин хиласкары олан Мәсиһ иманлылар ҹәмијјәтинин Башы олдуғу кими, әр дә арвадын башыдыр. Амма ҹәмијјәт Мәсиһә табе олдуғу кими, арвадлар да һәр шејдә өз әрләринә табе олсунлар... Арвад исә әринә еһтирам етсин» (Ефеслиләрә 5:22-24, 33).

15. Мүгәддәс Китаб гадынлара һансы мәсләһәти верир?

¹⁵ Павел һәм дә дејир ки, гадын ‘әринә еһтирам етмәлидир’. Мәсиһчи гадын әринин нүфузуну шүбһә алтына алмамалы вә ја сәрбәстлијә ҹан атмамалыдыр, әксинә, ‘һәлим вә сакит руһ’ тәзаһүр етдирмәлидир (1 Петер 3:4). Аллаһдан горхан гадын аиләсинин рифаһы үчүн чалышаҹаг вә евин башчысына шәрәф ҝәтирәҹәк (Титуса 2:4, 5). О, әри һаггында јахшы данышаҹаг вә ону башгаларынын ҝөзүндә һөрмәтдән салмајаҹаг. Һәмчинин әринин гәрарларынын һәјата кечмәси үчүн вар ҝүҹү илә чалышаҹаг (Сүлејманын мәсәлләри 14:1).

16. Мәсиһчи гадынлар Сара вә Ривганын нүмунәсиндән нә өјрәнә биләрләр?

¹⁶ Һәлим вә сакит олмаг о демәк дејил ки, мәсиһчи гадынын өз фикри ола билмәз вә ја онун нөгтеји-нәзәри һеч бир әһәмијјәт дашымыр. Гәдимдә Сара вә Ривга кими иманлы гадынлар һансыса мәсәләјә даир өз фикирләрини чәкинмәдән сөјләмишдиләр вә Мүгәддәс Китаб ҝөстәрир ки, Јеһова онларын һәрәкәтләрини бәјәнмишди (Јарадылыш 21:8-12; 27:46–28:4). Мәсиһчи гадынлар да өз фикирләрини әрләри илә бөлүшә биләрләр. Анҹаг буну алчалдыҹы тонда дејил, нәзакәтлә демәлидирләр. О заман онлар ҝөрәҹәкләр ки, үнсијјәтләри даһа јахшы алыныр.