Суаллар гутусу

◼ Руһани ирәлиләјишләр едән инсанла Мүгәддәс Китаб өјрәнмәси нә гәдәр давам етмәлидир?

Руһани ҹәһәтдән инкишаф едән инсанла Мүгәддәс Китаб өјрәнмәсини «Мүгәддәс Китаб әслиндә нә өјрәдир?» вә «Өзүнүзү Аллаһын мәһәббәтиндә сахлајын» китабларынын һәр икисини битирәнә кими давам етмәк төвсијә олунур. Өјрәнән бу китаблары битирмәздән өнҹә вәфтиз олунса да, китаблары битирәнә кими өјрәнмәни давам етдирмәк лазымдыр. Вәфтиздән сонра јенә дә ону өјрәдән тәблиғчи сааты, тәкрар башчәкмәни вә өјрәнмәни һесабата дахил едә биләр. Ону мүшајиәт едән вә өјрәнмәдә иштирак едән тәблиғчи дә вахты һесабатына дахил едә биләр. («Бизим Падшаһлыг Хидмәтимиз»ин 2009-ҹу ил март сајынын 2-ҹи сәһифәсинә бахын.)

Өјрәнмәни баша чатдырмаздан әввәл јениләрин һәгигәт јолунда мөһкәм тәмәлә малик олмасы олдугҹа ваҹибдир. Гаршылашаҹаглары сынаглара таб ҝәтирмәк үчүн онлар Мәсиһдә көк атмалы вә «иманда сарсылмаз» олмалыдырлар (Колос. 2:6, 7; 2 Тим. 3:12; 1 Пет. 5:8, 9). Бундан әлавә, башгаларыны јахшы өјрәдә билсинләр дејә онлар «һәгигәт барәсиндә дәгиг билијә» јијәләнмәлидирләр (1 Тим. 2:4). Мүгәддәс Китабы өјрәтдијимиз инсанларла һәр ики китабы кечмәклә онлара «һәјата апаран... јол»да мөһкәм дурмаға көмәк едә биләрик (Матта 7:14).

Ағсаггаллар тәблиғчинин вәфтиз олунмасына разылыг вермәздән өнҹә, онларын Мүгәддәс Китабын әсас тәлимләрини ајдын баша дүшдүкләринә, еләҹә дә онлара мүвафиг һәјат тәрзи сүрдүкләринә әмин олмалыдырлар. Әҝәр өјрәнән һәлә биринҹи китабы битирмәјибсә, онун вәфтиз олунмасына даир мәсәләдә ағсаггаллар хүсусилә диггәтли олмалыдырлар. Әҝәр кимсә вәфтизә һазыр дејилсә, ағсаггаллар онун ҝәләҹәкдә буна јарарлы олмасы үчүн лазыми көмәји ҝөстәрмәлидирләр. («Тәшкил олунмушуг» китабынын 216—218-ҹи сәһифәләринә бахын, рус.)

[2-ҹи сәһифәдәки јазы]

Јениләрин һәгигәт јолунда мөһкәм тәмәлә малик олмасы олдугҹа ваҹибдир