Охунмасы лазым олан китаб
“Мүгәддәс Китабы ҹидди гәбул етмәк лазым дејил”. Бу сөзләри, ҝәнҹ гадынла сөһбәтиндә университет профессору сөјләди.
Гадын сорушду: “Сиз Мүгәддәс Китабы нә вахтса охумусунузму?”
Пәрт олан профессор, охумадығыны е’тираф етмәли олду.
“Өмрүнүздә охумадығыныз бир китаб һаггында бу ҹүр гәти фикри неҹә сөјләјирсиниз?”
Гадын һаглы иди. Профессор Мүгәддәс Китабы охудугдан сонра, онун һаггында мүлаһизә јүрүтмәк гәрарына ҝәлди.
АЛТМЫШ алты һиссәдән ибарәт олан Мүгәддәс Китаб, “еһтимал едилдијинә ҝөрә, бәшәр тарихиндә ән бөјүк тә’сирә малик олан китаблар күллијјаты” һесаб едилир 1. Һәгигәтән дә, дүнјанын ән бөјүк тәсвири инҹәсәнәт, әдәбијјат вә мусиги шаһ әсәрләриндән бә’зиләри онун тә’сири алтында јаранмышдыр. Бу китаб, һүгуг елминә дә әһәмијјәтли тә’сир ҝөстәрмишдир. Мүгәддәс Китаб әдәби үслубуна ҝөрә тә’рифләрә лајиг ҝөрүлмүш вә бир чох зијалылар тәрәфиндән јүксәк гијмәтләндирилмишдир. О, ҹәмијјәтдә тутдуглары мөвгедән асылы олмајараг, инсанларын һәјатына хүсусилә ҝүҹлү тә’сир ҝөстәрмишдир. Бир чох охуҹуларда тәәҹҹүб доғуран сәдагәт һисси ојатмышдыр. Бә’зиләри ону садәҹә олараг охумаг үчүн, һәтта һәјатларыны тәһлүкә алтына гојмушлар.
Бунунла јанашы, Мүгәддәс Китаба гаршы скептик мүнасибәтләр дә мөвҹуддур. Мүгәддәс Китабы һеч заман охумадыглары бир һалда, онун һаггында мүәјјән фикрә саһиб олан инсанлар да вар. Онлар Мүгәддәс Китабын әдәби вә тарихи дәјәрини е’тираф едәрәк, ола билсин ки, өзләринә бу ҹүр суаллар верирләр: Мәҝәр мин илләр бундан әввәл јазылмыш бир китаб мүасир дүнјада фајдалы ола биләрми? Биз “информасија дөврүндә” јашајырыг. Ҝүндәлик һадисәләр вә мүасир технолоҝија һаггында јени мә’луматлар әлимизин алтындадыр. Демәк олар ки, мүасир һәјатын бүтүн проблемләринә даир “мүтәхәссисләрин” вердикләри мәсләһәтләри асанлыгла әлдә едә билирик. Мүгәддәс Китабда, мүасир дөвр үчүн һәгигәтән дә јарарлы мә’лумат ола биләрми?
Бу брошүра бу ҹүр суаллара ҹаваб вермәјә чалышыр. Брошүранын мәгсәди, сизә дини е’тигадлары вә ја тә’лимләри зорла гәбул етдирмәк јох, тарихә тә’сири олмуш Мүгәддәс Китабын — диггәтинизә лајиг бир китаб олдуғуну ҝөстәрмәкдир. 1994-ҹү илдә дәрҹ олунмуш бир һесабатда гејд едилирди: Маариф саһәсинин бә’зи хадимләри, Мүгәддәс Китабын Гәрб мәдәнијјәтиндә дәрин көк салдығына әминдирләр; белә ки, онларын фикринә ҝөрә, “диндар олан вә ја олмајан, Мүгәддәс Китабын тә’лим вә мә’луматларыны билмәјән һәр бир адам мәдәнијјәт бахымындан ҹаһилдир” 2.
Бу брошүраны охудугдан сонра, ола билсин, сиз разылашаҹагсыныз ки, инсанын диндар олуб-олмамасындан асылы олмајараг, Мүгәддәс Китаб һәр бир кәс үчүн охунмасы лазым олан китабдыр.
[3-ҹү сәһифәдә олан сәкил]
“Руһани анлајышыма ҝөрә, охудуғум јалныз бир китаба борҹлујам. Китаба? Бәли, гәдими, садә бир китаба, тәбиәт кими сакит вә тәбии бир китаба... [бу китаб] белә дә адланыр: “Мүгәддәс Китаб” (Һенрих Һејне, XIX әсрин алман јазычысы) 3.