Сахлајын
Бу брошүралардан истифадә етмисәнми?
Мүгәддәс Китаб бизә һансы хәбәри чатдырыр?
Мүгәддәс Китаб барәдә аз мәлуматы олан, хүсусилә дә христиан дининә мәнсуб олмајан инсанларда мараг ојатмаг үчүн нәзәрдә тутулуб
Неҹә тәгдим етмәли? «Мүгәддәс Китабда јазылан бу сөзләр барәдә фикринизи билмәк истәрдик. [11-ҹи бөлмәдә истинад едилән Мәзмур 37:11 ајәсини оху.] Неҹә дүшүнүрсүнүз, бу пејғәмбәрлик јеринә јетәндә јер үзүндә һәјат неҹә олаҹаг? [Ҹаваб вермәсинә изин вер.] Бу, мүхтәлиф мәдәнијјәтә вә динә мәнсуб олан инсанларын Мүгәддәс Китабындан үмид вә тәсәлли әлдә едәҹәкләринә бир нүмунәдир». 3-ҹү сәһифәнин әввәлиндәки абзасы оху вә брошүраны тәгдим ет.
Тәклиф: Әҝәр христиан дининә мәнсуб олмајан инсанла «Мүгәддәс Китаб өјрәдир» китабындан дәрс кечирсәнсә, Мүгәддәс Китаб һагда үмуми тәсәввүрү олсун дејә һәр дәфә өјрәнмәдән габаг вә ја сонра брошүрадан бир бөлмәни бир нечә дәгигә әрзиндә нәзәрдән кечирмәк олар.
Һамы үчүн олан китаб
Мүгәддәс Китаб барәдә аз мәлуматы олан тәһсилли инсанлар үчүн нәзәрдә тутулуб
Неҹә тәгдим етмәли? 2 Тимотејә 3:16, 17 ајәләрини оху. Сонра де: «Сиз Мүгәддәс Китабын Аллаһдан илһам алмасы фикри илә разысынызмы? Јохса онун садәҹә јахшы бир китаб олдуғуну дүшүнүрсүнүз? [Ҹаваб вермәсинә изин вер.] Чохлары бу ҹүр дүшүнүр, анҹаг биз фикир вермишик ки, чох аз адам Мүгәддәс Китабы шәхсән өзү арашдырыб. [3-ҹү сәһифәдә мәгаләнин ады алтында јазылан һадисәни оху.] Бу мараглы брошүрада мәдәнијјәтиндән вә дининдән асылы олмајараг, бүтүн инсанларын Мүгәддәс Китабда јазыланлары арашдырмасы үчүн әсаслы сәбәбләр ҝәтирилир».
Тәклиф: Әҝәр ев саһиби брошүраны ҝөтүрәрсә, белә демәк олар: «Бир чохларынын Мүгәддәс Китабы бир о гәдәр дә әһәмијјәтли һесаб етмәмәләринин сәбәби динләрин Мүгәддәс Китаб вә онун тәлимләри һагда јанлыш тәсәввүр ојатмаларыдыр. Нөвбәти дәфә ҝәләндә сизинлә бәзи нүмунәләр барәдә данышмаг истәрдим». Тәкрар башчәкмә заманы 4, 5-ҹи сәһифәдәки мүәјјән мәлуматы нәзәрдән кечир.
Сән Аллаһын досту ола биләрсән!
Аз савады олан вә ја үзүндән јахшы охуја билмәјән инсанлар үчүн нәзәрдә тутулуб
Неҹә тәгдим етмәли? «Неҹә дүшүнүрсүнүз, Аллаһын досту олмаг мүмкүндүрмү? [Ҹаваб вермәсинә изин вер. Сонра Јагуб 2:23 ајәсини оху.] Бу брошүранын мәгсәди бизә, Ибраһим пејғәмбәр кими, Аллаһын досту олмагда көмәк етмәкдир».
Тәклиф: Истәр биринҹи дәфә, истәрсә дә тәкрар башчәкмә заманы 1-ҹи дәрсин һамысыны вә ја јарысыны мүзакирә едәрәк Мүгәддәс Китаб өјрәнмәсинин неҹә кечирилдијини ҝөстәр.
Хошбәхтлик ҝәтирән һәгиги иман
Мүгәддәс Китабы тәзјигләрә мәруз галмадан өјрәнә биләҹәји бир мүһитдә јашајан мүсәлманларда мараг ојатмаг үчүн нәзәрдә тутулуб
Неҹә тәгдим етмәли? 16, 17-ҹи сәһифәләрдәки шәкли ҝөстәр вә де: «Бу шәкил бу ҝүн дүнјада ҝөрдүкләримиздән чох фәргләнир. Сизҹә, бир ҝүн дүнја бу ҹүр ола биләрми? [Ҹаваб вермәсинә изин вер.] Ҝөрүн Аллаһын Кәламы нә вәд едир. [Брошүрада ҝәтирилән бир Мүгәддәс Китаб ајәсини оху.] Бу брошүра бу кими вәдләрин һәјата кечәҹәјинә һәгиги иман инкишаф етдирмәкдә бизә көмәк едир».
Тәклиф: Илк башчәкмәнин сонунда һәмсөһбәтиндән хаһиш ет ки, брошүранын архасындакы суаллардан бирини сечсин. Сонра јенидән ҝөрүшүб һәмин суалы мүзакирә етмәк үчүн вахт тәјин ет.
Аллаһын рәһбәрлији Ҹәннәтә апаран јолу ҝөстәрир
Мүгәддәс Китабы тәзјигләрә мәруз галмадан өјрәнә биләҹәји бир мүһитдә јашајан мүсәлманларда мараг ојатмаг үчүн нәзәрдә тутулуб
Неҹә тәгдим етмәли? «Ешитмишәм, мүсәлманлар тәк бир Аллаһа вә бүтүн пејғәмбәрләрә инанырлар. Бу доғрудур? [Ҹаваб вермәсинә изин вер.] Мән сизинлә јер үзүнүн ҹәннәтә чевриләҹәји барәдә јазылмыш гәдим пејғәмбәрлик һаггында данышмаг истәјирәм. Олар, пејғәмбәрликдә нә дејилдијини охујум? [Јешаја 11:6—9 ајәләрини оху.] Чохларына тәәҹҹүблүдүр ки, Аллаһ јер үзүндә бу кими дәјишикликләри неҹә едәҹәк. Бу брошүрада пејғәмбәрләрин бу һагда нә дедији ачыгланыр».
Тәклиф: Әҝәр сөһбәт етдијин адам брошүраны ҝөтүрәрсә, белә дејә биләрсән: «Аллаһын Кәламы изаһ едир ки, башланғыҹда инсан ҹәннәтдә јашамышдыр. Мән ҝәлән дәфә ҝәләндә истәрдим ки: “Инсан Аллаһдан неҹә үз дөндәрди вә ҹәннәт неҹә итирилди?” суалына ҹаваб верим». Тәкрар башчәкмә заманы 6-ҹы сәһифәдән башланан мөвзунун әввәлини мүзакирә ет.