Хидмәтдә пүхтәләшәк. Сәмими мараг ҝөстәрмәклә

Нә үчүн ваҹибдир? Иса пејғәмбәр инсанлара фәрди јанашыр, онлара сәмими мараг ҝөстәрирди. Мисал үчүн, Иса, бир дәфә лал-кар адамын, ола билсин, сыхылдығыны һисс етдији үчүн ону издиһамдан кәнарда сағалтмышды (Марк 7:31—35). Вә ја шаҝирдләринин нә гәдәр гавраја биләҹәкләрини билдији үчүн онлары чох мәлуматла јүкләмирди (Јәһ. 16:12). Иса Мәсиһ ҝөјдән дә инсанлара сәмими мараг ҝөстәрир (2 Тим. 4:17). Мәсиһин давамчылары олдуғумуз үчүн биз дә бу ҹүр давранмалыјыг (1 Пет. 2:21; 1 Јәһ. 3:16, 18). Әҝәр хидмәтдә мүждә чатдырдығымыз адамлара сәмими мараг ҝөстәрсәк, онун вәзијјәтини, марагларыны вә фикирләрини нәзәрә алсаг, онда хидмәтимиз даһа еффектив олаҹаг. Һәмин инсанлар ҝөрәндә ки, мәгсәдимиз јалныз тәблиғ едиб әдәбијјат вермәк дејил, әксинә, она сәмими мараг ҝөстәрмәкдир, онда о, бизә һәвәслә гулаг асаҹаг.