Инсанлара диггәтлә јанашараг онлара сәмими мараг ҝөстәр
1 Јеһова Аллаһ вә Иса Мәсиһ инсанларын тәләбатларыны һәр бир кәсдән даһа јахшы билир вә онлара гајғы ҝөстәрирләр (2 Салн. 16:9; Марк 6:34). Инсаны нә марагландырдығыны вә нә нараһат етдијини мүәјјән едәрәк, сөһбәт заманы бунлары нәзәрә ала биләрик.
2 Хырда шејләрә дә нәзәр сал. Иса һәр шејә диггәт јетирирди (Марк 12:41-43; Лука 19:1-6). Әҝәр тәблиғдә гапыја јахынлашан заман бизим нәзәримизә дини характер дашыјан бир бәзәк әшјасы чарпырса вә ја автомобил үзәриндә һәр һансы бир шүар, јахуд һәјәтдә ушаг ојунҹаглары ҝөрүрүксә, сөһбәтимизи елә гура биләрик ки, хош хәбәри мүвәффәгијјәтлә бөлүшмәк имканы јарансын.
3 Инсанын үзүнүн ифадәсиндән вә давранышындан онун үрәјиндә оланлары мүәјјән етмәк олар (Сүл. мәс. 15:13). Ола билсин, о, јахынларындан кимисә итирдијинә вә ја башга бир бәдбәхтлик баш вердијинә ҝөрә тәсәллијә мөһтаҹдыр. Еһтимал ки, о биздән мүнасиб Мүгәддәс Китаб ајәләри ешитмәјә шад олаҹаг (Сүл. мәс. 16:24). Бәс, әҝәр бир кәс һараса тәләсир вә ја гуҹағында ағлајан көрпәси варса, онда неҹә? Белә һалда, јәгин ки, башга бир вахт ҝәләҹәјимизи демәк даһа јахшы олар. Инсанын јанына тәкрарән ҝәләркән, диггәт вә шәфгәт ҝөстәрмәјимиз ону бизи динләмәјә тәшвиг едәҹәк (1 Пет. 3:8).
4 Тәгдимәни ујғунлашдыр. Һәвари Павел Афинада оларкән «Намә’лум Аллаһа» һәср олунан гурбанҝаһа диггәт јетирди вә бу, онун хош хәбәри неҹә тәгдим етмәсинә өз тә’сирини ҝөстәрди. «Бах, мән сизә билмәјәрәк ибадәт етдијиниз бу Аллаһы тәблиғ едирәм». Павелин нәзакәтлә давранмасынын сајәсиндә орада оланларын бә’зиләри Падшаһлыг һаггында олан хәбәрә ҹидди јанашдылар вә иманлы олдулар (Һәв. иш. 17:23, 34).
5 Ејни тәрздә, диггәтли олмаг инсанын нә илә марагландығыны мүәјјән етмәкдә вә бунун әсасында тәгдимәни ујғунлашдырмагда бизә дә көмәк едәр. Инсанын гәлбиндә оланлары билмәк үчүн она суаллар вер. Дүшүн: инсанын марағыны инкишаф етдирмәк үчүн онун диггәтини һансы Мүгәддәс Китаб ајәләринә јөнәлтмәк оларды? (Сүл. мәс. 20:5). Инсанлара ҝөстәрдијимиз диггәт вә сәмими мараг, хош хәбәри баҹарыгла бөлүшмәкдә бизә көмәк едәҹәк.