«Ҝөрүнән шејләрә јох имана әсасән јашајын»
Јерусәлимин мүһасирәјә алынмасындан вә дағыдылмасындан бир аз әввәл һәвари Булус јазмышды ки, Мәсиһин ҹәсур әсҝәри олан мәсиһиләр чәтинликләрлә үзләшәҹәкләр. О, һәмчинин хәбәрдарлыг етмишди ки, онлар илк нөвбәдә раһатчылыглары вә истәкләри барәдә дүшүнмәмәлидирләр (2 Тим. 2:3, 4). Һазырда бу аллаһсыз дүнјанын башынын үстүнү фәлакәт кәсдириб. Она ҝөрә дә, биз диггәтимизи руһани шејләрә ҹәмләмәлијик, бунун үчүнсә мөһкәм имана саһиб олмалыјыг (2 Кор. 4:18; 5:7). «Ҝөрүнән шејләрә јох, имана әсасән јашајын» филминә бахын. (jw.org сајтына дахил олуб НӘШРЛӘР > ВИДЕО бөлмәсинә бахын.) Филмә бахаркән фикир верин ки, мал-мүлк севҝиси Наһамла Абиталы неҹә фәлакәтә сүрүкләјир. Сонра исә нөвбәти суаллары ҹавабландырмаға чалышын.
1) Биринҹи әсрдә мүгәддәс јердә дуран ијрәнҹ шеј нә иди вә Јерусәлимдә јашајан мәсиһиләр нә етмәли идиләр? (Мәт. 24:15, 16). 2) Нәјә ҝөрә шәһәрдән гачмаг үчүн иман лазым иди? 3) Шәһәрдән гачанлар нәләриндән кечмәли олурдулар? 4) Наһамла Абитал нәјә ҝөрә јубандылар? (Мәт. 24:17, 18). 5) Јерусәлимдән чыхаркән Рәһилә башга һансы иман сынағы илә үзләшди? (Мәт. 10:34—37; Марк 10:29, 30). 6) Итан Јеһоваја иман едиб ҝүвәнмәкдә неҹә нүмунә гојду? 7) Пеллада мәсиһиләр һансы чәтинликләрә гаршылашырдылар? 8) Наһамла Абиталын иманы ҝет-ҝедә неҹә зәифләди? 9) Јеһова Пеллада јашајан мәсиһиләрин гајғысына неҹә галырды? (Мәт. 6:33; 1 Тим. 6:6—8). 10) Дөврүн сону ҝәләндә биз Ибраһим вә Сарадан неҹә нүмунә ҝөтүрә биләрик? (Ибр. 11:8—10). 11) Наһамла Абитал Јерусәлимә гајытмағын лазым олдуғуна өзләрини неҹә инандырдылар вә нәјә ҝөрә онларын дүшүнҹәләри јанлыш иди? (Лука 21:21). 12) Натанла Абитал Јерусәлимә дөнәндә нә ҝөрдүләр? 13) Нәјә ҝөрә биз иманымызы индидән — бу дөврүн сону ҝәлмәздән әввәл мөһкәмләндирмәлијик? (Лука 17:31, 32; 21:34—36).
Иманла јеримәк 1) Јеһованын ҝөстәришинә етибар етмәк, 2) Онун ҝөстәришләринә ујғун һәрәкәт етмәк вә 3) руһани шејләри мадди шејләрдән үстүн тутмаг демәкдир. Ҝәлин иманла јеримәјә әзмли олаг вә әмин олаг ки, «дүнја өз истәкләри илә бәрабәр кечиб ҝедир, Аллаһын истәјини јеринә јетирән исә әбәди јашајыр» (1 Јәһ. 2:17).