Хидмәтдә пүхтәләшәк. Әбәди һәјата мејли оланлара Мәсиһин шаҝирди олмаға көмәк един

НӘ ҮЧҮН ВАҸИБДИР? Әбәди һәјата апаран јолда јеримәјә мејли олан инсанларын үрәјинә сәпилән һәгигәт тохумларыны Јеһова бөјүдүр (Һв 13:48; 1Кр 3:7). Биз диггәтимизи өјрәндикләринә ујғун јашамаг истәјән инсанлара ҹәмләмәклә Јеһова илә әмәкдашлыг едирик (1Кр 9:26). Мүгәддәс Китаб дәрси кечдијимиз инсанлар баша дүшмәлидир ки, хилас үчүн вәфтиз олунмаг мүтләгдир (1Бт 3:21). Бу инсанлара һәјатларында дәјишиклик етмәји, тәблиғ етмәји вә дәрс кечмәји өјрәтмәклә, һәмчинин һәјатларыны Јеһоваја һәср етмәјә тәшвиг етмәклә онлара Мәсиһин шаҝирди олмаға көмәк едирик (Мт 28:19, 20).

НЕҸӘ ЕТМӘЛИ?

• Мүгәддәс Китаб дәрси кечдијиниз инсанлара хатырладын ки, дәрс кечмәјиниздә мәгсәд онлара Јеһованы танымаға вә Ону разы салмаға көмәк етмәкдир (Јһ 17:3)

• Онлара пис вәрдишләр вә пис достлар кими манеәләри ашараг руһани ҹәһәтдән инкишаф етмәјә көмәк един

• Һәм вәфтиздән әввәл, һәм дә вәфтиздән сонра онлары үрәкләндирин вә руһландырын (Һв 14:22)

«ЈЕҺОВА АЛЛАҺ СӘНӘ КӨМӘК ЕДӘҸӘК» АДЛЫ ВИДЕОЈА БАХАНДАН СОНРА АШАҒЫДАКЫ СУАЛЛАРА ҸАВАБ ВЕРИН:

• Һансы сәбәбләрә ҝөрә инсан һәјатыны Јеһоваја һәср едиб вәфтиз олунмаға горха биләр?

• Ағсаггаллар Мүгәддәс Китабы өјрәнәнләрә руһани ҹәһәтдән инкишаф етмәјә неҹә көмәк едә биләр?

• Әшија 41:10 ајәсиндән Јеһова барәдә нә өјрәнирик?

• Гејри-камил олсаг да, һансы кејфијјәтләр сајәсиндә Јеһоваја мәгбул шәкилдә ибадәт едә биләрик?