«Мәсиһи һәјаты вә ибадәти. Иш дәфтәри» үчүн мәнбәләр
4—10 ФЕВРАЛ
СӘРИШТӘЛИ МҮЖДӘЧИ ОЛУН
w06-Е 1/6 с. 12, 13
Өзүнүзүн вә башгаларынын ҝүнаһлы олдуғуну нәзәрә алын
Һәјатдан мәмнунлуг дујмаг үчүн биз өзүмүзүн вә башгаларынын имканларынын мәһдуд олдуғуну нәзәрә алмалыјыг. Ромалылара јаздығы мәктубда һәвари Булус гејд етмишди: «Һамы ҝүнаһ ишләјиб, һеч кәс Аллаһын ҹалалыны әкс етдирә билмир» (Ромалылара 3:23). Јеһованын ҹалалынын бир чох ҹәһәтләри бизим үчүн дәркедилмәздир. Буна Јарадылыш 1:31 ајәсиндә јазылмыш садә бир һәгигәти нүмунә чәкмәк олар: «Аллаһ јаратдыгларынын һамысына бахды вә ҝөрдү ки, һәр шеј чох јахшыдыр». Јеһова нә вахт ҝөрдүјү ишә чеврилиб бахса, онун «чох јахшы» олдуғуну ҝөрәҹәк. Анҹаг һеч бир инсан өзүнүн ҝөрдүјү иш һагда буну дејә билмәз. Имканларымызын мәһдуд олдуғуну гәбул етмәк һәјатдан мәмнунлуг дујмаг үчүн илк аддымдыр. Лакин бунунла һәр шеј битмир. Биз Јеһованын да бу мәсәләјә бахышыны анламалы вә гәбул етмәлијик.
«Ҝүнаһ» кими тәрҹүмә олунан јунан сөзү «һәдәфә дүшмәмәк» мәнасыны верән сөздән әмәлә ҝәлиб (Ромалылара 3:9). Мәсәлән, тәсәввүр един ки, идманчы оху дүз һәдәфә атыб мүкафат алмаг истәјир. Онун үч оху вар. Биринҹи оху атыр, амма һәдәфдән бир метр аралы дүшүр. Икинҹи дәфә даһа диггәтлә оху һәдәфә тушлајыр, анҹаг 30 сантиметр аралыја дүшүр. Бүтүн диггәтини топлајыб сонунҹу оху атыр, бу дәфә ҹәми 2 сантиметр һәдәфдән јана дүшүр. Ох бу дәфә һәдәфә чох јахын олур, амма нә фајда, јенә дә һәдәфә дүшмәјиб.
Биз һамымыз һәмин охатана бәнзәјирик. Бәзән һәдәфдән чох узаға дүшүрүк. Диҝәр һалларда һәдәфә јахын олсаг да, јенә дә ондан јан кечирик. Белә оланда мәјус олуруг, чүнки вар ҝүҹүмүзлә чалышсаг да, јенә дә там мүвәффәгијјәт газана билмирик. Анҹаг инди ҝәлин јенә дә охатанын нүмунәсинә гајыдаг.
О, дилхор һалда чеврилиб ҝетмәк истәјир. О, чох үмид едирди ки, мүкафаты алаҹаг. Бирдән һаким ону чағырыр, мүкафаты вериб дејир: «Бу, сәниндир. Сәндән чох хошум ҝәлди, ҝүҹүнү әсирҝәмәдән чалышдын». Охатанын севинҹи јерә-ҝөјә сығмыр!
Бәли, камиллијә јетишиб Аллаһдан әбәди һәјат әнамыны алан һәр кәсин севинҹи ашыб-дашаҹаг (Ромалылара 6:23). О заман онларын етдији һәр бир шеј чох јахшы олаҹаг, онлар бир дә һеч вахт һәдәфдән јан кечмәјәҹәкләр. Сөзүн әсл мәнасында, һәјатдан мәмнунлуг дујаҹаглар. Әҝәр буну јадда сахласаг, өзүмүзә вә әтрафымыздакы инсанлара мүнасибәтимиз јахшы олаҹаг.
11—17 ФЕВРАЛ
Һикмәт хәзинәсиндән инҹиләр
w14-Е 1/6 с. 11, абз. 1
Әҹдадларымызын агибәти неҹә олаҹаг?
Гејри-салеһ инсанлар дириләндә онлара кечмиш әмәлләри әсасында һөкм чыхарылмајаҹаг. Ромалылара 6:7 ајәсиндә дејилир: «Өлмүш адам ҝүнаһдан азаддыр». Гејри-салеһләр өлмәклә артыг ҝүнаһларынын әвәзини алмыш олаҹаглар. Буна ҝөрә дә онлара өлмәздән әввәл ҹаһиллик уҹбатындан етдикләри ишләрә ҝөрә јох, дириләндән сонра етдикләри әмәлләр әсасында һөкм чыхарылаҹаг. Бунун онлара һансы фајдасы олаҹаг?
25 ФЕВРАЛ — 3 МАРТ
Һикмәт хәзинәсиндән инҹиләр
it-1-Е с. 1260, абз. 2
Гысганҹ, гысганҹлыг
Јанлыш гејрәт. Инсан сәмими-гәлбдән һансыса бир шејин гејрәтини чәкә биләр, амма бу, јанлыш олар вә Аллаһа ағыр ҝедә биләр. Буна биринҹи әсрдәки јәһудиләри мисал чәкмәк олар. Онлар Төврата әсасән ҝөрдүкләри ишләр әсасында салеһлијә наил олмаға чалышырдылар. Амма һәвари Булус билдирди ки, онларын гејрәти дәгиг билијә әсасланмадығы үчүн јанлыш јерә јөнәлмишди. Буна ҝөрә дә онлар әсл салеһлијә јетишмәдиләр, јәни Аллаһын ҝөзүндә салеһ сајылмадылар. Онлар салеһ сајылмаг вә Ганунун ләнәтиндән азад олмаг үчүн сәһвләрини ҝөрмәли вә Мәсиһ васитәсилә Аллаһа јахынлашмалы идиләр (Рм 10:1—10). Тарслы Шаул белә адамлардан иди. О, ифрат дәрәҹәдә иудаизмин тәәссүбкеши иди, Аллаһын јығынҹағына олмазын зүлмләр едир, ону виран гојурду. Шаул ҹидд-ҹәһдлә, гүсурсузҹасына Төврата риајәт едир (Гт 1:13, 14; Фп 3:6). Онун иудаизмин гејрәтини чәкмәси јанлыш иди. Амма о нә едирдисә, сидги-үрәкдән едирди, буна ҝөрә дә Јеһова Мәсиһ васитәсилә лүтф едиб ону һәгиги ибадәтә јөнәлтди (1Тм 1:12, 13).