ДӘРС 8

Нүмунәләр чәк

Мәтта 13:34, 35

ИҸМАЛ: Динләјиҹиләрдә мараг ојатмаг вә әсас фикирләри изаһ етмәк үчүн садә нүмунәләр чәк.

НЕҸӘ НАИЛ ОЛМАГ ОЛАР?

Садә нүмунәләр сеч. Иса кими кичик шејләрин васитәсилә бөјүк, асан шејләрин васитәсилә мүрәккәб анлајышлары изаһ ет. Нүмунәни мүрәккәбләшдирән лазымсыз тәфәррүатлары гејд етмә. Әмин ол ки, нүмунә изаһ етдијин фикрә һәртәрәфли ујғун ҝәлир вә динләјиҹиләрин фикри јерсиз тәфәррүатлара јајынмајаҹаг.

Диггәтҹил ол. Әтраф аләми мүшаһидә ет, нәшрләримизи оху, баҹарыглы мүәллимләрдән өјрән. Тәлим вермәк үчүн истифадә едә биләҹәјин нүмунәләрә фикир вер. Бу нүмунәләри јазыб сахла.
Динләјиҹиләри нәзәрә ал. Динләјиҹиләрин фәалијјәтинә вә мараг даирәсинә ујғун нүмунә сеч. Диггәтли ол ки, чәкдијин нүмунәләр онлары пәрт етмәсин, һиссләринә тохунмасын.
Әсас фикирләри вурғула. Нүмунәдә хырда тәфәррүатлары јох, әсас фикирләри вурғула. Динләјиҹиләр тәкҹә нүмунәни јох, нүмунәдән чыхарылан нәтиҹәни дә јадда сахламалыдыр.