Аллаһы јахындан таныјаг

Бәшәријјәт мөвҹуд оландан бәри инсанлар чохлу аллаһлара ибадәт етмишләр. Амма Мүгәддәс Китабда дејилир ки, тәк олан Аллаһ «бүтүн аллаһлардан уҹадыр» (2 Салнамәләр 2:5). Нәјә ҝөрә бу беләдир? Бу дәрсдә Аллаһы јахындан таныјаҹағыг.

1. Аллаһын ады нәдир вә нәјә ҝөрә әминик ки, Аллаһ Онун адыны билмәјимизи истәјир?

Аллаһ Кәламында Өзүнү бизә таныдыр. О дејир: «Мән Јеһовајам. Адым будур». (Әшија 42:5, 8 ајәләрини охујун.) «Јеһова» ады, бир чох алимләрин фикринҹә, ибрани дилиндә «олмасына сәбәб олур» мәнасыны дашыјыр. Јеһова истәјир ки, биз Онун адыныa биләк (Чыхыш 3:15). Һарадан бу гәнаәтә ҝәлирик? Аллаһ Өз адыны Мүгәддәс Китабда 7000 дәфәдән чох јаздырыб! Бәли, «јухарыда — ҝөјдә вә ашағыда — јердә тәк бир Аллаһ вар» вә Онун ады Јеһовадыр (Ганунун тәкрары 4:39).

2. Мүгәддәс Китабда Јеһова барәдә нә јазылыб?

Дүнјада инсанлар чохлу аллаһлара ибадәт едирләр. Анҹаг Мүгәддәс Китабда дејилир ки, тәк олан Аллаһ Јеһовадыр. Нәјә ҝөрә? Бунун бир нечә сәбәби вар. Јеһова Каинатын Һөкмдарыдыр вә «дүнјада тәк» О, уҹадыр. (Зәбур 83:18 ајәсини охујун.) О, Гадир Аллаһдыр, јәни нијјәт етдији һәр шеји һәјата кечирмәјә гадирдир. Јерин, ҝөјүн, «һәр шејин јараданы» Одур (Вәһј 4:8, 11). Јалныз Јеһова Аллаһ һәмишә вар олуб вә һәмишә вар олаҹаг (Зәбур 90:2).

3. Аллаһа мүхтәлиф ҹүр хитаб олунур, амма Онун бир ады вар

Инсана адыјла мүраҹиәт етмәклә дашыдығы вәзифәјлә мүраҹиәт етмәк арасында һансы фәрг вар? Ҹавабы билмәк үчүн ВИДЕОЈА бахын вә нөвбәти суалы мүзакирә един:

ВИДЕО: «Аллаһын бир ады вар» (0:41)

• Вәзифәни ҝөстәрән сөзлә, мәсәлән, «Рәбб» сөзү илә ад арасында һансы фәрг вар?

Мүгәддәс Китабда дејилир ки, инсанлар чохлу аллаһлара вә ағалара ибадәт едирләр. Зәбур 136:1—3 ајәләрини охујун вә нөвбәти суалы мүзакирә един:

• «Аллаһлар Аллаһы» вә «ағалар Ағасы» кимдир?

4. Јеһова Онун адыны билмәјинизи вә чағырмағынызы истәјир

ВИДЕО: «Аллаһын ады вармы?» Фрагмент (3:11)

• Нә үчүн Јеһова Өз адынын танынмасыны истәјир?

Јеһова истәјир ки, инсанлар Онун адыны чағырсын. Ромалылара 10:13 ајәсини охујун вә нөвбәти суаллары мүзакирә един:

• Јеһованын адыны чағырмаг нә үчүн ваҹибдир?

• Инсанлар адынызы јадда сахлајыб, сизә адынызла һөрмәтҹил мүраҹиәт едәндә бу сиздә һансы һиссләри доғурур?

• Неҹә дүшүнүрсүнүз, сиз Јеһованын адыны чағыранда О һансы һиссләри кечирир?

5. Јеһова Она јахынлашмағынызы истәјир

ВИДЕО: «Аллаһы ахтарырдым» (8:18)

• Аллаһын адыны билмәк Сотендә һансы һиссләри ојатды?

Киминсә досту олмаздан әввәл адәтән онун адыны өјрәнирик. Јагуб 4:8а ајәсини охујун вә нөвбәти суаллары мүзакирә един:

• Јеһова сизи нәјә сәсләјир?

• Аллаһын адыны билмәк вә чағырмаг Она јахынлашмаға неҹә көмәк едә биләр?

ИҸМАЛ

Јеһова тәк олан Аллаһын адыдыр. О истәјир ки, биз Онун адыны биләк вә чағыраг. Белә етсәк, Она јахынлаша биләрик.

Тәкрар

• Јеһова Аллаһла инсанларын ибадәт етдији башга аллаһлар арасында һансы фәрг вар?

• Нәјә ҝөрә «Јеһова» адыны чағырмалыјыг?

• Нәдән ҝөрүнүр ки, Јеһова Она јахынлашмағымызы истәјир?

Ә Л А В Ә  М Ә Л У М А Т

Аллаһын вар олдуғуну тәсдиг едән 5 дәлилә бахын.

«Аллаһ вар?» (интернет мәгаләси)

Аллаһын һәмишә мөвҹуд олдуғуна инанмаг нәјә ҝөрә мәнтиглидир?

«Аллаһы кимсә јарадыб?» («Ҝөзәтчи гүлләси», 1 август 2014)

Аллаһын адынын гәдимдә неҹә тәләффүз олундуғу дәгиг мәлум олмаса да, ҝөрүн бу ады нәјә ҝөрә чәкмәлијик.

«Јеһова кимдир?» (интернет мәгаләси)

Аллаһы һансы адла чағырмағын фәрги вар? Ҝөрүн нәјә әсасән дејә биләрик ки, Аллаһын тәкҹә бир ады вар.

«Аллаһын нечә ады вар?» (интернет мәгаләси)