ДӘРС 07

Јеһова Аллаһ барәдә нә билирик?

Чап версијасы

Јеһова барәдә дүшүнәндә Ону неҹә Аллаһ кими тәсәввүр едирсиниз? Бәзиләри дүшүнүр ки, Аллаһ бөјүк, әзәмәтли Варлыгдыр, дәрҝаһы әлчатмаздыр. Бир башгалары исә Ону гүдрәтли Варлыг һесаб едир, амма ејни заманда дүшүнүр ки, инсанлар Онун үчүн мараглы дејил. Бәс Јеһова әслиндә неҹә Аллаһдыр? О Өз Кәламында бәзи хүсусијјәтләрини, еләҹә дә инсанларын гејдинә галдығыны ачыглајыб.

1. Аллаһы ҝөрмәк нә үчүн мүмкүн дејил?

«Аллаһ руһдур» (Јәһја 4:24). Јеһова ҹисмани варлыг дејил. О, руһани Варлыгдыр вә ҝөјдә јашајыр. Бу елә бир јердир ки, инсан ораны ҝөрә билмәз.

2. Јеһованын бәзи хүсусијјәтләри һансылардыр?

Дүздүр, биз Јеһованы ҝөрә билмәсәк дә, таныдыгҹа ҝөзәл хүсусијјәтләринә ҝөрә Ону севирик. Мүгәддәс Китабда дејилир: «Јеһова әдаләти севир, садиг бәндәләрини тәрк етмәз» (Зәбур 37:28). О һәмчинин «чох меһрибан вә мәрһәмәтлидир», хүсусән дә әзаб чәкән инсанлара гаршы (Јагуб 5:11). «Јеһова гәлбисыныглара јахындыр, пәришан инсанлары азад едир» (Зәбур 34:18). Бизим әмәлләримиз Аллаһа ја хош, ја да ағыр ҝедир. Пис иш тутан инсан Аллаһы кәдәрләндирир (Зәбур 78:40, 41). Јахшы әмәл саһиби исә Аллаһын үрәјини севиндирир. (Мәсәлләр 27:11 ајәсини охујун.)

3. Јеһова инсанлары севдијини неҹә ҝөстәрир?

Јеһованын ән үстүн хүсусијјәти мәһәббәтдир. Әслиндә, Аллаһ Өзү «мәһәббәтдир» (1 Јәһја 4:8). Јеһова Өз мәһәббәтини тәкҹә Мүгәддәс Китаб васитәсилә јох, јаратдығы шејләр васитәсилә дә ашкар едир. (Һәвариләрин ишләри 14:17 ајәсини охујун.) Мәсәлән, Онун мәһәббәти бизи неҹә хәлг етмәсиндән ҝөрүнүр. Биз ҝөз охшајан рәнҝләри ҝөрүр, әсрарәнҝиз мусигидән зөвг дујур, дадлы јемәкләрдән ләззәт алырыг. О истәјир ки, һәјат бизә зөвг версин.

Д Ә Р И Н Л И Ј Ә В А Р Ы Н

Ҝөрүн Јеһова нәјин васитәсилә мөһтәшәм ишләр ҝөрүр. Сонра исә Јеһованын Өз ҝөзәл хүсусијјәтләрини бизә неҹә әјан етдијини өјрәнин.

4. Мүгәддәс руһ Аллаһын гүввәсидир

Шәкилләр: Аллаһын мүгәддәс руһу илә ҝөрүлән ишләр. 1) Каинат вә планетләр. 2) Пејғәмбәр Аллаһын назил етдији фикирләри тумара јазыр.

Биз әлләримизлә иш ҝөрдүјүмүз кими, Јеһова да һәр шеји мүгәддәс руһу васитәсилә едир. Мүгәддәс Китабда ачыгланыр ки, мүгәддәс руһ Каинатда ән гүдрәтли гүввәдир. Амма бәзи инсанлар мүгәддәс руһун гүввә јох, ҹанлы варлыг олдуғуну дүшүнүр. Лука 11:13 вә Һәвариләрин ишләри 2:17 ајәләрини охујун. Сонра нөвбәти суаллары мүзакирә един:

Јеһова Ондан диләјәнләрин үзәринә мүгәддәс руһуну төкүр. Демәли, һансы гәнаәтә ҝәлирсиниз, мүгәддәс руһ ҹанлы варлыгдыр, јохса Аллаһын гүввәсидир? Нәјә ҝөрә белә дүшүнүрсүнүз?

Јеһова мүгәддәс руһу васитәсилә мөһтәшәм ишләр ҝөрүр. Зәбур 104:30 вә 2 Бутрус 1:20, 21 ајәләрини охујун. Сонра нөвбәти суалы мүзакирә един:

Јеһова мүгәддәс руһу васитәсилә һансы ишләри ҝөрүб?

5. Јеһованын ҝөзәл хүсусијјәтләри

Муса пејғәмбәр узун илләр Аллаһа сәдагәтлә ибадәт едирди. Амма јенә дә баша дүшүрдү ки, Јараданыны даһа јахындан танымалыдыр. Буна ҝөрә дә о, Аллаһа демишди: «Јолларыны мәнә ач, гој Сәни јахшы таныјым» (Чыхыш 33:13). Јеһова да Муса пејғәмбәрә Өзүнүн бәзи хүсусијјәтләрини ачыгламышды. Чыхыш 34:4—6 ајәләрини охујун вә нөвбәти суаллары мүзакирә един:

Јеһова Мусаја һансы хүсусијјәтләрини ачыглады?
Јеһованын һансы хүсусијјәтләри сизин даһа чох хошунуза ҝәлир?

6. Јеһова инсанларын гејдинә галыр

Гәдимдә Аллаһын халгы олмуш исраиллиләр Мисирдә көлә идиләр. Халгынын зүлм чәкмәси Јеһоваја неҹә тәсир едирди? АУДИОЈА гулаг асын вә ајәләри китабдан изләјин, јахуд Чыхыш 3:1—10 ајәләрини охујун. Сонра нөвбәти суаллары мүзакирә един:

АУДИО: «Јеһова онларын чәкдији зүлмә биҝанә галмады» (2:45)

Бу ајәләрә әсасән, инсанларын изтираблары Јеһоваја неҹә тәсир едир? (7 вә 8-ҹи ајәләрә бахын.)
Сизҹә, Јеһова инсанлара көмәк етмәк истәјир? О буна гадирдир? Нәјә ҝөрә белә дүшүнүрсүнүз?

7. Тәбиәтә баханда Јеһованын хүсусијјәтләрини ҝөрүрүк

Шәкилләр: балина вә баласы, ҝүлләр вә колибри.

Јеһова јаратдыглары васитәсилә Өз хүсусијјәтләрини бизә ачыр. ВИДЕОЈА бахын. Сонра Ромалылара 1:20 ајәсини охујун вә нөвбәти суалы мүзакирә един: