Јеһоваја садиг галын

Әсл мәсиһиләр јол вермирләр ки, кимсә, јахуд нәсә онларын Јеһоваја ибадәт етмәсинә мане олсун. Шүбһәсиз, сиз дә буна әзмлисиниз. Јеһова сизин сәдагәтинизи гијмәтләндирир. (1 Салнамәләр 28:9 ајәсини охујун.) Бәс һансы вәзијјәтләрдә Аллаһа садиг галмаг чәтин ола биләр вә бу чәтинликләри ашмаға нә көмәк едә биләр?

1. Кимләр сизи Јеһованын јолундан дөндәрмәјә чалыша биләр?

Бәзи инсанлар бизи Јеһованын јолундан дөндәрмәк истәјир. Бунлар кимләрдир? Бу инсанларын сырасына дөнүкләр дахилдир. Онлар һәгигәт јолундан дөнүбләр вә Аллаһын тәшкилаты һаггында јаланлар јајырлар. Дөнүкләрин мәгсәди бизим иманымызы сарсытмагдыр. Һәмчинин бәзи дин хадимләри бизим һаггымызда јалан мәлуматлар јајырлар ки, ајыг-сајыглығы горумајанлары бу јолдан дөндәрсинләр. Јеһованын тәшкилатына гаршы чыхан инсанларла мүбаһисә етмәк, онларын китабларыны, јахуд блогларыны охумаг, интернет сәһифәләринә дахил олмаг, видеоларына бахмаг тәһлүкәлидир. Јеһоваја хидмәт едәнләри һәгигәтдән дөндәрмәјә чалышан инсанлар барәдә Иса Мәсиһ демишди: «Онлар кор бәләдчидирләр. Әҝәр кор кора бәләдчилик едәрсә, икиси дә гујуја дүшәр» (Мәтта 15:14).

2. Гәрарларымыздан Јеһоваја садиг олуб-олмадығымыз неҹә ҝөрүнүр?

Јеһованы севириксә, јалан динлә бүтүн әлагәни кәсмәлијик. Нә ишимизин, нә аид олдуғумуз тәшкилатларын, нә дә һансыса бир мәшғулијјәтимизин јалан динлә әлагәси олмамалыдыр. Јеһова бизә бујурур: «Еј халгым, ондан [Бөјүк Бабилдән] чыхын» (Вәһј 18:2, 4).

Д Ә Р И Н Л И Ј Ә  В А Р Ы Н

3. Јаланчы мүәллимләрдән өзүнүзү ҝөзләјин

Јеһованын тәшкилаты барәдә хошаҝәлмәз сөзләр ешидәндә нә етмәлијик? Мәсәлләр 14:15 ајәсини охујун вә нөвбәти суалы мүзакирә един:

• Нәјә ҝөрә ешитдијимиз һәр сөзә инанмамалыјыг?

2 Јәһја 9—11 ајәләрини охујун вә нөвбәти суаллары мүзакирә един:

• Дөнүкләрә гаршы һансы мөвгени тутмалыјыг?

• Дөнүкләрлә билаваситә үнсијјәт етмәсәк дә, неҹә ола биләр ки, онларын идејаларынын тәсири алтына дүшәк?

• Јеһова барәдә, јахуд Онун тәшкилаты барәдә хошаҝәлмәз сөзләрә гулаг ассаг, бу, Јеһоваја неҹә тәсир едәр?

4. Диндашыныз ҝүнаһ едәндә Аллаһа садиг галын

Јығынҹагдакы диндашымызын ҝүнаһ етдијиндән хәбәримиз варса, үзәримизә һансы мәсулијјәт дүшүр? Ҝәлин Төвратдакы бир принсипә нәзәр салаг. Лавилиләр 5:1 ајәсини охујун.

Бу ајәдән ҝөрдүјүмүз кими, әҝәр киминсә ҹидди ҝүнаһ етдијини билириксә, буну ағсаггаллара демәлијик. Анҹаг әввәлҹә јахшы олар ки, һәмин адамын өзүнү ағсаггаллара јахынлашыб, ҝүнаһыны етираф етмәјә тәшвиг едәк. Әҝәр о буну етмәзсә, онда Јеһоваја сәдагәтдән ирәли ҝәләрәк, өзүмүз ағсаггала һәр шеји данышмалыјыг. Бундан...

• Јеһова Аллаһы севдијимиз неҹә ҝөрүнүр?

• ҝүнаһ едән кәси севдијимиз неҹә ҝөрүнүр?

• јығынҹагдакы диҝәр диндашларымызы севдијимиз неҹә ҝөрүнүр?

5. Бөјүк Бабилдән узаг дурун

ВИДЕО: «Бөјүк Бабилдән чыхын!» (5:06)

Лука 4:8 вә Вәһј 18:4, 5 ајәләрини охујун. Сонра нөвбәти суаллары мүзакирә един:

• Мән һәлә дә јалан динлә бағлы ајинләрдә иштирак едирәм?

• Башга динлә әлагәси олан тәшкилата мәхсусам?

• Ишим јалан дини неҹәсә дәстәкләјир?

• Һәјатымын һансыса саһәси јалан динлә әлагәлидир?

• Әҝәр бу суаллардан һансынаса мүсбәт ҹаваб вердимсә, о заман нәләри дәјишмәлијәм?

Һәр мәсәләдә елә гәрар верин ки, виҹданыныз тәмиз олсун вә Јеһоваја садиг олдуғунуз ҝөрүнсүн.

ИҸМАЛ

Јеһоваја садиг галмаг истәјириксә, бизи һәгигәт јолундан дөндәрмәјә чалышанларла отуруб-дурмамалыјыг.

Тәкрар

• Нәјә ҝөрә дөнүкләрин фикирләрини динләмәмәлијик?

• Диндашымызын ҹидди ҝүнаһа јол вердијини биләндә нә етмәлијик?

• Јалан диндән узаг дурмаг әмринә неҹә риајәт едә биләрик?

Ә Л А В Ә  М Ә Л У М А Т

Јеһованын Шаһидләри һагда јалан мәлумат јајыланда нә етмәлијик?

«Бүтүн фактлары билирсиниз?» («Ҝөзәтчи гүлләси», август 2018)

Бөјүк Бабили дәстәкләјән тәшкилатлары вә ја фәалијјәт нөвләрини неҹә мүәјјән етмәк олар?

«Ахырзаманын ахырында Рәббин ишиндә чох чалышын» («Ҝөзәтчи гүлләси», октјабр 2019, абзас 16—18)

Бәзи инсанлар иманымызы зәифләтмәк үчүн нә едирләр?

«Өзүнүзү јаланлардан горујун» (9:32)

«Ушаглыгдан Аллаһы ахтарырдым» адлы мәгаләни охујун вә ҝөрүн бир кешиш јалан динлә әлагәсини неҹә кәсди.

«Мүгәддәс Китаб һәјатлары дәјишир» («Ҝөзәтчи гүлләси», 1 ијул 2011)