Динләрин һамысымы Аллаһа мәгбулдур?
Адәтән верилән ҹаваблар:
▪ «Бүтүн динләр инсаны Аллаһа јахынлашдырыр».
▪ «Нәјә инанмағын ваҹиб дејил, әсас одур ки, сәмими оласан».
Иса бу һагда нә демишди?
▪ «Дар гапыдан ҝирин; чүнки һәлака апаран гапы ҝениш вә јол енлидир; вә ондан ҝирәнләр чохдур. Чүнки һәјата апаран гапы дар вә јол енсиздир вә ону тапанлар аздыр» (Матта 7:13, 14). Иса бүтүн динләрин инсаны Аллаһа јахынлашдырдығыны һесаб етмирди.
▪ «О ҝүндә бир чохлары Мәнә: “Ја Рәбб, ја Рәбб, биз Сәнин адынла пејғәмбәрлик етмәдикми? Сәнин адынла ҹинләри чыхармадыгмы? Вә Сәнин адынла чох мөҹүзәләр јаратмадыгмы?” — дејәҹәкләр. Вә онда Мән онлара ачыгҹа сөјләјәҹәјәм: “Мән сизи һеч вахт танымамышам, јанымдан чәкилин, һагсызлыг едәнләр!”» (Матта 7:22, 23). Иса онун изләри илә ҝетдијини иддиа едән һәр кәси гәбул етмир.
АЛЛАҺА инанан инсанларын әксәријјәтинә өз етигадлары вә адәтләри чох әзиздир. Бәс әҝәр бу етигадлар Аллаһын Кәламы олан Мүгәддәс Китабда јазыланлара ујғун ҝәлмирсә, онда неҹә? Иса өз ҝүнләриндәки дин рәһбәрләринә: «Сиз, өз әнәнәниз наминә Аллаһын әмрини тәсирсиз едирсиниз», — демәклә инсанларын ујдурдуғу адәтләрә риајәт етмәјин тәһлүкәли олдуғуну ҝөстәрмишди. Сонра о, Аллаһын сөзләрини ситат ҝәтирмишди: «Бу халг додаглары илә Мәнә һөрмәт едир, Онларын үрәји исә Мәндән узагдыр. Еһкам олараг инсан әмрләрини өјрәдәрәк, Мәнә бош јерә ибадәт едирләр» (Матта 15:1-9; Јешаја 29:13).
Јалныз етигадымыз јох, давранышымыз да ваҹибдир. Мүгәддәс Китаб Аллаһа ибадәт етдикләрини сөјләјән бәзи адамлар һагда нөвбәти сөзләри дејир: «Онлар иддиа едирләр ки, Аллаһы таныјырлар, амма өз әмәлләри илә буну инкар едирләр» (Титуса 1:16). Һәмчинин Мүгәддәс Китабда бизим ҝүнләрдә инсанларын неҹә олаҹағы тәсвир едилир: «Зөвгү Аллаһдан чох севәҹәк. Аллаһ јолунда имиш кими ҝөрүнәҹәк, амма о јолун гүдрәтини инкар едәҹәкләр. Бу ҹүр адамлардан үз дөндәр» (2 Тимотејә 3:4, 5).
Сәмимилик ваҹибдир, анҹаг бунунла иш битмир. Нә үчүн? Чүнки инсан сәмими ола-ола да јаныла биләр. Буна ҝөрә дә Аллаһ һаггында дәгиг билик ваҹибдир (Ромалылара 10:2, 3). Бу билији әлдә етмәклә вә Мүгәддәс Китаба ујғун јашамагла Аллаһы разы сала биләрик (Матта 7:21). Беләликлә, һәгиги дин өзүнә дүзҝүн нијјәти, етигады вә давранышы дахил едир. Дүзҝүн давранмаг исә һәр ҝүн Аллаһын ирадәсини јеринә јетирмәк демәкдир! (1 Јәһја 2:17).
Мүгәддәс Китабда Аллаһ һаггында дејиләнләр барәдә даһа чох билмәк истәјирсинизсә, сизинлә пулсуз олараг Мүгәддәс Китаб өјрәнмәси кечирмәләри үчүн Јеһованын Шаһидләри илә әлагә сахлајын.
[9-ҹу сәһифәдәки шәкил]
Һәгиги дин өзүнә дүзҝүн нијјәти, етигады вә давранышы дахил едир