Јадыныздадырмы?
«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын.
• Исраиллиләри Мисирдән чыхармаг үчүн Аллаһын ҝөндәрдији мәләк ким олуб? (Чых. 23:20, 21).
Үзәриндә Јеһованын ‘ады’ олан һәмин мәләјин сонрадан Иса Мәсиһ кими танынан Аллаһын илкин Оғлу олдуғу гәнаәтинә ҝәлмәк мәнтигәујғундур (15.9, сәһифә 21).
• Хидмәтдә иштирак етмәмәк үчүн ҝәтирилән һансы сәбәбләр Аллаһын ҝөзүндә садәҹә бәһанәдир?
«Бу, олдугҹа чәтин ишдир», «үрәјим истәмир», «вахтым јохдур», «мән баҹармарам», «хәтримә дәјибләр». Аллаһын тапшырығыны јеринә јетирмәмәк үчүн бунлар әсаслы сәбәб дејил (15.10, сәһифәләр 12—15).
• Мәсиһчи ҝөрүшләр һәм сәнин, һәм дә башгалары үчүн руһландырыҹы кечсин дејә нә едә биләрсән?
Габагҹадан һазырлаш. Мүнтәзәм иштирак ет. Вахтында ҝәл. Лазым олан һәр шеји өзүнлә ҝәтир. Фикринин јајынмасына јол вермә. Мүзакирәләрдә иштирак ет. Гој шәрһләрин гыса олсун. Тапшырыгларыны јеринә јетир. Иштирак едәнләри тәрифлә. Ҝөрүшдән әввәл вә сонра үнсијјәт ет (15.10, сәһифә 22).
• Нәјә ҝөрә Иса досту Лазарын јанына тез ҝедиб ону сағалтмаға тәләсмәди?
Иса ҝәләндә Лазар артыг дөрд ҝүн иди ки, өлмүшдү. Бу гәдәр вахт ҝөзләмәклә о, Атасы Јеһова һаггында даһа јахшы шаһидлик верә билди. Бунун сајәсиндә бир чохлары она иман етди (Јәһ. 11:45) (окт.—дек., сәһифәләр 14, 15).
• «Сәҹдәҝаһлар» нә иди?
Јаланчы аллаһлара ибадәт олунан бу сәҹдәҝаһлар, адәтән, тәпәләрин башында мејданчалар, јахуд да башга јерләрдә гурулан ибадәтҝаһлар иди. Орада Аллаһын мүһакимә етдији ајинләр заманы истифадә олунан гурбанҝаһлар, мүгәддәс сүтун вә ја дирәкләр вә диҝәр әшјалар ола биләрди (Сај. 33:52) (окт.—дек., сәһифә 31).
• Һарунун сојдашларынын тәзјигинә таб ҝәтирә билмәмәсиндән биз өзүмүзә һансы ибрәт дәрси ҝөтүрә биләрик?
Бир дәфә Муса олмајанда исраиллиләр Һаруна ҝүҹлү тәзјиг ҝөстәрәрәк ону бүт дүзәлтмәјә мәҹбур етдиләр. Бу ҝөстәрир ки, башгаларынын тәзјигинә јалныз ҝәнҹләр ујмур. Бу һәтта дүзҝүн оланы етмәк истәјән бөјүкләрә дә тәсир едә биләр. Биз пис тәзјигә гаршы дурмалыјыг (15.11, сәһифә 8).