Аллаһа хидмәт етмәк һеч вахт ҝеҹ дејил!
Испанијанын ҹәнубунда јерләшән Малага шәһәриндә 2009-ҹу ил декабрын 19-у икисинин дә ады Анна олан ана-бала вәфтиз олду. Һәмин ил Испанијада 2 352 нәфәр вәфтиз олмушду. Бәс бу ана-балада диггәтәлајиг олан нә иди? Онларын јашы. Ананын 107, онун гызынын исә 83 јашы варды!
Бу ики гадыны Јеһоваја һәср олунмаларыны вәфтизлә символизә етмәјә нә тәшвиг етди? 1970-ҹи илләрин әввәлиндә Аннанын (гыз) гоншусу ону евиндә кечирилән китабөјрәнмәјә дәвәт едирди. Анна һәрдәнбир бу ҝөрүшләрә ҝедирди, лакин ишләдији үчүн руһани аддымлар атмырды.
Тәхминән 10 илдән сонра Аннанын бәзи ушаглары Мүгәддәс Китабы өјрәнмәјә башлады вә сонра Јеһованын хидмәтчиләри олдулар. Онлардан бири — Мари Кармен ахыр ки, анасынын үрәјиндә Мүгәддәс Китаб һәгигәтинә мәһәббәтини јенидән аловландырмаға мүвәффәг олду вә она Мүгәддәс Китаб өјрәнмәсинә башламаға көмәк етди. Бир гәдәр сонра Мари Карменин нәнәси Анна да Мүгәддәс Китаба мараг ҝөстәрмәјә башлады. Нәһајәтдә бу аиләнин он үзвү вәфтиз олду.
Вәфтиз олдуглары ҝүн онларын һәр икиси севинҹдән јерә-ҝөјә сығмырды. 107 јашлы Анна демишди: «Јеһова мәнә бөјүк хејирхаһлыг ҝөстәриб вә Ону танымағыма изин вериб». Онун гызы исә әлавә етмишди: «Јени дүнја ҝәлмәздән өнҹә мән Јеһоваја хидмәт етмәк, Онун ирадәсини јеринә јетирмәк вә баҹардығым гәдәр чох хош хәбәрин тәблиғиндә иштирак етмәк истәјирәм».
Јығынҹаг ҝөрүшләри бу ики дул гадына хүсуси севинҹ бәхш едир. Онларын јығынҹағында ағсаггал кими хидмәт едән бир гардаш дејир: «Индијә кими онлар бир ҝөрүш дә олсун бурахмајыблар вә “Ҝөзәтчи Гүлләси”нин өјрәнилмәсиндә шәрһ вермәјә һәмишә һазырдырлар».
Бу садиг гадынларын нүмунәси биринҹи әсрдә јашамыш дул гадын Аннаны јадымыза салыр. «О, һеч вахт мәбәддән ајрылмыр, оруҹ тутуб дуа етмәклә ҝеҹә-ҝүндүз ибадәт едирди». Буна ҝөрә дә Аллаһ ону көрпә Исаны ҝөрмәк шәрәфинә лајиг ҝөрдү (Лука 2:36—38). 84 јашы олмасына бахмајараг, Анна, бу адашлары кими, һеч вахт фикирләшмирди ки, Јеһоваја хидмәт етмәк артыг ҝеҹдир.
Мүгәддәс Китаб хәбәринә гулаг асмаг истәјән гоһумларын вармы? Јахуд тәблиғ едәркән хош хәбәрә мараг ҝөстәрән јашлы инсанлара раст ҝәлмисәнми? Онлар һәгигәтә бу ики Анна кими мүнасибәт ҝөстәрә биләрләр, чүнки һәгиги Аллаһ Јеһоваја хидмәт етмәјә башламаг һеч вахт ҝеҹ дејил!
[25-ҹи сәһифәдәки јазы]
«Јеһова мәнә бөјүк хејирхаһлыг ҝөстәриб»
[25-ҹи сәһифәдәки јазы]
«Јени дүнја ҝәлмәздән өнҹә мән Јеһоваја хидмәт етмәк... истәјирәм»