Мүгәддәс Јазылара аид суаллара ҹаваб

Шејтан неҹә пејда олуб?

Аллаһ Шејтан јаратмајыб. Онун јаратдығы бир мәләк сонрадан дөнүб Шејтан Иблис олду. Аллаһын Кәламында дејилир ки, Аллаһ ону јараданда о, салеһ вә гүсурсуз иди. Демәли, башланғыҹда Иблис Аллаһын садиг мәләкләриндән бири олмушду. (Јәһја 8:44 ајәсини охујун.)

Неҹә ола биләр ки, салеһ бир мәләк дөнүб Иблис олсун?

Сонрадан дөнүб Шејтан олан мәләк Аллаһа гаршы чыхды вә илк инсанлары — Адәмлә Һәвваны да бу ишдә она гошулмаға тәһрик етди. Вә беләҹә, о, өзү «Дүшмән» мәнасыны верән Шејтан олду. (Јарадылыш 3:1—5; Вәһј 12:9 ајәләрини охујун.)

Аллаһын диҝәр шүурлу варлыглары кими, Шејтан Иблис олан һәмин мәләк дә хејирлә шәр арасында сечим етмәк азадлығына малик иди, лакин о истәди ки, башгалары она ибадәт етсин. Онун шан-шөһрәтә вә һакимијјәтә саһиб олмаг арзусу Аллаһа итаәт етмәк арзусуна ҝүҹ ҝәлди. (Матта 4:8, 9; Јагуб 1:13, 14 ајәләрини охујун.)

Иблис бу ҝүн инсанлары неҹә јолдан чыхарыр? Биз ондан горхмалыјыгмы? Бу суалларын ҹавабыны Мүгәддәс Јазылардан өјрәнә биләрсиниз.