Мүгәддәс Китабын ҹавабы

Елә бир вахт олаҹагмы ки, бүтүн дүнјада һагг-әдаләт олсун?

Бу барәдә нә дејәрдиниз?

• Бәли

• Хејр

• Ола билсин

Мүгәддәс Китабда дејилир:

«Билирәм ки, Јеһова мәзлуму мүдафиә едәҹәк, јохсула адил һөкм чыхараҹаг» (Зәбур 140:12). Аллаһ-Таала дүнјада һагг-әдаләти бәргәрар едәҹәк.

Мүгәддәс Китабда даһа нә дејилир?

• Аллаһ дүнјада баш верән һагсызлыглары ҝөрүр вә мүтләг буна бир әнҹам чәкәҹәк (Ваиз 5:8).

• Аллаһ һагг-әдаләти бәргәрар едәндән сонра бүтүн дүнјада сүлһ вә әмин-аманлыг олаҹаг (Әшија 32:16—18).

Доғруданмы, Аллаһ бир халгы о бириндән үстүн тутур?

Бәзи инсанлар инаныр ки, Аллаһ бир халга немәт бәхш едиб, диҝәрини исә ләнәтләјиб. Бәзиләринин фикринҹә исә Аллаһын ҝөзүндә бүтүн халглар бәрабәрдир. Сиз бу барәдә нә дејәрдиниз?

Мүгәддәс Китабда нә дејилир?

«Аллаһ ајры-сечкилик етмәјән Аллаһдыр, һәр халгын ичиндә Ондан горхан вә дүзҝүн иш ҝөрән адамдан разыдыр» (Һәвариләрин ишләри 10:34, 35). Аллаһын ҝөзүндә бүтүн халглар ејнидир.

Мүгәддәс Китабда даһа нә дејилир?

• Мүгәддәс Китабда «һәр халга, тајфаја, дилә вә үммәтә ҹар чәкмәк үчүн» мүждә вар (Вәһј 14:6).