Zəbur
Dirijora. Mahalat* üslubunda. Maskil*. Davudun məzmuru.
53 Ağılsızlar ürəyində:
«Yehova yoxdur», — deyir.+
Onlar haqsızlıq edir, əyri, mənfur işlərə qurşanıblar,
Bir nəfər də düz əməl sahibi yoxdur.+
2 Amma Allah göylərdən bəşər oğullarını seyr edir,+
Baxır ki, görsün dərk edən, Yehovanı axtaran varmı.+
4 Bədəməllər heç nə başa düşmürmü?
Xalqımı çörək yerinə yeyirlər,
Yehovanı çağırmırlar.+
5 Bax, onların canına vahimə düşəcək,
Elə bir vahimə ki, beləsini görməyiblər*.
Sənin üstünə qoşun çəkənlərin Allah sümüklərini sındırıb tullayacaq,
Onları xar edəcəksən, çünki Yehova onlardan üz döndərib.
6 Kaş Siondan İsrailin qurtuluşu gələydi!+
Yehova əsir xalqını qaytaranda,
Qoy Yaqub sevinsin, israil şadlansın!