Zəbur

63 Ey Allah, Sənsən Allahım, Səni axtarıram,+

Bütün varlığım Sənin həsrətindədir.+

Quraq, cansıxıcı, susuz torpaqda

Sənə təşnə qalmışam.+

 2 Müqəddəs məkanında Sənə baxardım,

Qüdrətini, əzəmətini görərdim.+

 3 Məhəbbətin həyatdan şirindir,+

Dilim Sənə alqış deyir.+

 4 Sənə ömrüm boyu həmd edəcəyəm,

Əllərimi adınla göyə açacağam.

 5 Canım ən yaxşı, yağlı tikələrlə doyar,

Sevinc nidaları ilə Sənə tərif söyləyəcəyəm.+

 6 Yatağımda Səni yada salıram,

Gecələr* Səni düşünürəm.+

 7 Çünki mənim köməyim Sənsən,+

Qanadlarının kölgəsində şadyanalıqla mədh söyləyirəm.+

 8 Könlüm Sənə bağlanıb,

Sağ əlin məni bərk-bərk tutar,+

 9 Amma canıma qəsd quranlar

Yerin dərinliyinə girəcəklər.

10 Qılınca tuş gələcək,

Çaqqallara yem olacaqlar.

Allahın adına and içən hər kəs fəxr duyacaq,

Yalan danışanların ağzı yumulacaq.