Zəbur

48 Yehova böyükdür, Allahımızın şəhərində,

Müqəddəs dağında böyük təriflərə layiqdir.

 2 Böyük Padşahın şəhəri,+

Ucqar şimalda Sion dağı

Ucadır, gözəldir, sevincidir dünyanın.+

 3 Onun qala bürclərində

Allah Özünü sığınacaq kimi göstərdi.+

 4 Bax, padşahlar birləşdilər,

Bir yerdə gəldilər,

 5 Şəhəri görəndə çaşıb qaldılar,

Təlaşa düşdülər, qorxub qaçdılar.

 6 Canlarına vicvicə düşdü,

Hamilə qadıntək onları sancı tutdu.

 8 Qulağımız eşidənləri, indi gözümüz görür,

Ordular Allahı Yehovanın şəhərində, Allahımızın şəhərində.

 9 Ey Allah, məbədində dayanıb

Sənin məhəbbətin barədə düşündük.+

10 Adın kimi, Sənə deyilən təriflər də

Yerin hüdudlarına çatır.+

11 Sənin hökmlərinə görə Sion dağı+ sevinsin,

Yəhuda şəhərləri* şadlansın.+

12 Sionun ətrafını gəzib-dolaşın,

Qüllələrini sayın.+

13 Möhkəm səddinə+ nəzər salın,

Qala bürclərinə diqqətlə baxın ki,

Gələcək nəsillərə danışasınız.

14 Bu Allah əbədiyyən bizim Allahımızdır,+

Əbədiyyən* bizə yol göstərəcək.+