Korinflilərə ikinci məktub

2 Belə qərara gəlmişəm ki, gələn dəfə yanınıza gələndə sizə kədər gətirməyim. 2 Əgər mən sizi kədərləndirsəm, onda kədərə qərq etdiyim sizlərdən başqa kim məni sevindirər? 3 O şeyləri sizə ona görə yazmışdım ki, yanınıza gələndə məni sevindirməli olan insanlara görə kədərlənməyim, çünki əminəm ki, məni sevindirən şey sizə də eyni sevinci bəxş edəcək. 4 Mən sizə çoxlu əzab, ürək ağrısı və göz yaşları ilə yazdım. Ancaq sizi kədərləndirmək üçün yazmadım,+ əksinə, istəyirdim ki, sizi nə qədər sevdiyimi biləsiniz.

5 Əgər kimsə kədərə səbəb olubsa,+ o, məni yox, müəyyən dərəcədə sizin hamınızı kədərləndirib. Nə isə, bu barədə çox danışmaq istəmirəm. 6 Əksəriyyətin məzəmməti belə adama kifayət edər. 7 Buna görə də indi siz mərhəmət göstərib onu bağışlayın və ona təsəlli verin+ ki, o, hədsiz kədərə qərq olmasın.+ 8 Sizdən rica edirəm, onu sevdiyinizə inandırın.+ 9 Mən həm də ona görə yazıram ki, hər məsələdə itaətkar olub-olmadığınızı dəqiqləşdirə bilim. 10 Kimin səhvini bağışlayırsınızsa, mən də onu bağışlayıram. Mən də hansısa səhvi bağışlamışamsa (əgər bağışlamışamsa), bunu Məsihin önündə sizdən ötrü etmişəm ki, 11 Şeytanın toruna düşməyək,+ axı biz onun fəndlərindən bixəbər deyilik.+

12 Mən Məsih haqqındakı müjdəni bəyan etməkdən ötrü Troasa gələndə+ mənim qarşımda Ağaya xidmətdə qapı açıldı. 13 Qardaşım Titusu+ tapmadığım üçün ürəyim narahat idi. Odur ki, şagirdlərlə vidalaşıb Makedoniyaya+ yola düşdüm.

14 Bizi həmişə Məsihlə birlikdə zəfər yürüşündə aparan və Özü haqqındakı ətir saçan biliyi bizim vasitəmizlə hər yerdə yayan Allaha şükürlər olsun! 15 Çünki biz həm xilas, həm də məhv yolunda olanlar arasında Allah üçün Məsihin xoş ətriyik. 16 Bu ətir sonuncular üçün ölümə aparan ətir,+ birincilər üçünsə həyata aparan ətirdir. Bu xidmətə kim yararlıdır? 17 Biz! Çünki biz bir çoxları kimi, Allahın sözünün+ alverçiləri deyilik. Allahın önündə Onun elçiləri kimi, Məsihin şagirdi kimi təmiz niyyətlə danışırıq.