Zəbur

115 Bizi yox, ey Yehova, bizi yox,

Öz adını şərəfləndir,+

Məhəbbətinə, vəfadarlığına görə.+

 3 Allahımız göylərdədir,

İstədiyi hər şeyi edir.

 4 Amma onların bütləri qızıldır, gümüşdür,

İnsan əlinin işidir.+

 5 Ağızları var, danışa bilmir,+

Gözləri var, görə bilmir,

 6 Qulaqları var, eşidə bilmir,

Burunları var, qoxu bilmir,

 7 Əlləri var, hiss etmir,

Ayaqları var, yeriyə bilmir,+

Boğazlarından səs çıxmır.+

 8 Onları düzəldənlər də,

Onlara güvənənlər də onlar kimi olacaq.+

 9 Ey İsrail, Yehovaya güvən,+

Odur sənin köməyin, Odur qalxanın.+

10 Ey Harun evi,+ Yehovaya bel bağla,

Odur köməyiniz, Odur qalxanınız.

11 Ey Yehovadan qorxanlar, Yehovaya güvənin,+

Odur köməyiniz, Odur qalxanınız.+

12 Biz Yehovanın xatirindəyik, O, bizə xeyir-bərəkət verəcək,

İsrail evinə xeyir-bərəkət verəcək,+

Harun evinə xeyir-bərəkət verəcək.

13 Yehova Ondan qorxanlara,

Kiçiyə də, böyüyə də xeyir-bərəkət verəcək.

14 Yehova sizi,

Sizi və oğullarınızı çoxaldacaq.+

15 Qoy yeri-göyü yaradan Yehovanın+

Xeyir-duası üzərinizdə olsun.+

16 Göylər Yehovanındır,+

Yeri isə bəşər oğullarına verib.+

17 Ölülər, sükut diyarına düşənlər+

Yaha alqış etməzlər.+

18 Biz isə Yaha şükür edərik,

İndidən sonsuzadək.