Zəbur

114 İsrail Misirdən çıxanda,+

Yaqub evi yad dildə danışan xalqdan ayrılanda

2 Allahın müqəddəs məkanı Yəhuda,

Səltənəti İsrail oldu.+

3 Dəniz bunu görüb qaçdı,+

İordan çayı geri çəkildi.+

4 Dağlar qoç kimi,+

Təpələr quzu kimi atılıb-düşdü.

5 Ey dəniz, sənə nə oldu, niyə qaçdın?+

Ey İordan, niyə geri çəkildin?+

6 Ey dağlar, niyə qoç kimi atılıb-düşürdünüz?

Ey təpələr, niyə quzu kimi atılıb-düşürdünüz?

7 Ey yer üzü, Rəbbin önündə,

Yaqubun Allahının önündə lərzəyə gəl.+

8 O, qayanı gölə çevirir,

Sərt qayadan bulaq çıxarır.+