Zəbur

140 Ey Yehova, məni şər adamlardan qurtar,

Zalımlardan qoru.+

 2 Onlar ürəklərində fitnə qururlar,+

Bütün günü dava axtarırlar.

 3 Dilləri ilan dili kimi itidir,+

Ağızlarında gürzə zəhəri var.+ (Selah)

 4 Ey Yehova, məni şər adamlardan,+

Zalımlardan qoru,

Onlar mənə badalaq vurmaq istəyirlər.

 5 Məğrurlar mənə tələ qururlar,

Yolumun üstündə iplərdən tor sərirlər,+

Mənə cələ qururlar.+ (Selah)

 7 Ey Külli-İxtiyar Yehova, qüdrətli xilaskarım,

Döyüş günü başımın üzərində qalxan tutursan.+

 8 Ey Yehova, qoyma pislər murada çatsın,

Qoyma qəsdləri baş tutsun, qürrələnsinlər.+ (Selah)

 9 Ətrafımı bürüyənlərin ağzından çıxan pislik

Qoy öz başlarına gəlsin.+

10 Qoy başlarına köz tökülsün,+

Oda düşsünlər,

Dərin çalaya düşsünlər,+ daha dura bilməsinlər.

11 Böhtançı adam yer üzündə kök salmasın,+

Pislik qəddar adamı izləyib yerə vursun.

12 Bilirəm ki, Yehova məzlumu müdafiə edəcək,

Yoxsula adil hökm çıxaracaq.+

13 Salehlər Sənin adına şükür edəcək,

Əməlisalehlər önündə yaşayacaq.+